نوبەل سىيلىعى لاۋرەاتتارىمەن كەزدەستى

مەملەكەت باسشىسى ءVىى استانا ەكونوميكالىق فورۋمىنا جانە داعدارىسقا قارسى دۇنيەجۇزىلىك كونفەرەنتسياعا قاتىسقان نوبەل سىيلىعىنىڭ لاۋرەاتتارىمەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى. مەملەكەت باسشىسىمەن كەزدەسۋگە ۆيۋتريح كۋرت, فينن كيدلاند, دجوردج فيتتسدجەرالد سمۋت III, مۋحامماد يۋنۋس, سۆياتوسلاۆ تيماشەۆ, پيسساريدەس كريستوفەر, ارە ۆارشەل قاتىستى. نۇرسۇلتان نازارباەۆ ءوز سۇح­بات­تاستارىنا ءVىى استانا ەكونو­ميكالىق فورۋمىنا قوسقان ۇلەس­تەرى ءۇشىن العىس ايتىپ, بۇل شاراعا استانالىق نوبەل سىيلىعى لاۋرەاتتارى كلۋبىنىڭ قۇرىلۋى ەرەكشە ماڭىز بەرەتىنىن اتاپ ءوتتى. – فورۋمعا سىزدەردىڭ قا­تى­سۋلارىڭىز ارقىلى بۇگىندە الەمدە از بولماي وتىرعان ەكو­نوميكالىق تۇيتكىلدەردىڭ سىندارلى شەشىمىنە ناقتى ۇلەس قو­سىلادى. سەسسيالاردا ءسوز ءسوي­لەپ, ۇسىنىستار ازىرلەۋدىڭ جانە فورۋمنىڭ قورىتىندى قۇ­جات­تارىن دايىنداۋعا قاتىسۋدىڭ ماڭىزى زور, – دەدى قازاقستان پرەزيدەنتى. اڭگىمەلەسۋ بارىسىندا الەم­دەگى ەكونوميكالىق, الەۋمەتتىك جانە ساياسي دامۋعا قاتىستى ءبىر­قاتار پروبلەمالار, سونداي-اق جاھاندانۋ جاعدايىنداعى قا­زاق­ستاننىڭ دامۋ ماسەلەلەرى تالقىلاندى. نۇرسۇلتان نازارباەۆ الەمدىك قارجى-ەكونوميكالىق داعدارىس سالدارلارى بۇرىنعىسىنشا جا­ھاندىق ەكونوميكانى قاتتى قىسپاققا الىپ وتىرعانىن, ەۋرو­پاداعى ەكونوميكالىق پروبلەمالاردى شەشۋدەگى دۇدامالدىق, دامۋشى ەلدەردەگى ءوسىم قارقىنىنىڭ باياۋلاۋى سونىڭ ناتيجەسى ەكەنىن ايتتى. سونداي-اق, مەملەكەت باسشىسى قازىرگى زامانداعى الەمدىك سىن-قاتەرلەر جاعدايىندا قازاقستان قولعا الىپ جاتقان شارالار تۋرالى اڭگىمەلەدى. اتاپ ايتقاندا, نۇرسۇلتان نازارباەۆ ەلىمىز 2050 جىلعا دەيىنگى دامۋ ستراتەگياسىن, سونداي-اق ۇزاق مەرزىمدى ۇدەمەلى يندۋستريالىق-يننوۆاتسيالىق باعدارلاما قابىلداعانىن اتاپ ءوتتى. بۇدان بولەك, نۇرسۇلتان نا­زار­باەۆ قازاقستاننىڭ الەم­دىك, سونىڭ ىشىندە بالامالى ەنەر­­گەتيكاعا ەلەۋلى ۇلەس قوسىپ وتىر­عانىن ايتتى. بۇعان استا­نادا «بو­­لاشاقتىڭ ەنەرگياسى» تاقى­رىبى­مەن ەكسپو-2017 كورمەسىن وتكىزۋ دە سەپتىگىن تيگىزەتىن بولادى. ءوز كەزەگىندە نوبەل سىي­لى­عىنىڭ لاۋرەاتتارى قازاقستاننىڭ عىلىم مەن يننوۆاتسيانىڭ دامۋىنا قوسقان زور ۇلەسىن, سونداي-اق ءVىى استانا ەكونوميكالىق فو­رۋمىنىڭ جاھاندىق الەۋمەتتىك-ەكونوميكالىق ماسەلەلەردى تال­قىلاۋعا ارنالعان الەمدىك پلاتفورما بولىپ وتىرعانىن اتاپ ءوتتى.