ماڭعىستاۋ بوكسشىلارى باكۋدە توپ جاردى

تەڭىز جاعالاۋىنداعى كورشىمىز ازەربايجان ەلىنىڭ استاناسى – باكۋدە بوكستان حالىقارالىق تۋر­نير ءوتتى. بيىل 12-ءشى رەت ءوتىپ وتىرعان «گەيدار اليەۆ كۋبوگى-2014» تۋرنيرىنە 150 ەلدىڭ سپورتشىلارى قاتىستى. ۆەنگريا, گرۋزيا, يرلانديا, لاتۆيا, وزبەكستان, فينليانديا, فرانتسيا, قازاقستان, قىرعىزستان, رەسەي, تۇرىكمەنستان جانە الاڭ يەلەرى قاتىسقان بوكس دوداسىندا 13 مەدال جيىنتىعى ساراپقا سالىندى. ماڭعىستاۋ وبلىستىق بوكس فەدەراتسياسى ءباسپاسوز قىزمەتىنىڭ حابارلاۋىنشا, قازاقستان قۇراما كومانداسى ءساتتى ويىن كورسەتە العان. وتانداستارىمىز جالپى كوماندالىق ەسەپتە ازەر­بايجاننان سوڭ ەكىنشى ورىندى يەلەنىپتى. 75 كگ. سالماق دارەجەسىندەگى ماڭعىستاۋلىق بوكسشى ب.نۇر­داۋ­لەتوۆ وتكەن جىلعى ەۋروپا چەمپيونى رەسەيلىك بوكسشىنى فينالدا جەڭىپ, التىن مەدالدى جەڭىپ العان. ال, 54 كگ. سالماق دارەجەسىنە دەيىنگىلەر اراسىنداعى ايقاستا تاعى ءبىر ماڭعىستاۋدان شىققان بوكسشى ب.جەتىباەۆ قولا مەدالمەن ورالدى. تەڭىزدىڭ ارعى بەتىندە توپ جارعان قازاق ۇلان­دارىنىڭ جەڭىسى ءۇشىن جەرلەستەر قۋانۋدا. گۇلايىم شىنتەمىرقىزى, «ەگەمەن قازاقستان». اقتاۋ.