قازاقستان • 07 قازان، 2022

قۇقىق ۇستەمدىگى – كەلىسىم كەپىلى

36 رەت كورسەتىلدى

كونستيتۋتسيالىق كەڭەستىڭ توراعاسى قايرات ءمامي يندونەزيادا كسدك حاتشىلىعى مەن يندونەزيا كونستيتۋتسيالىق سوتى ۇيىمداستىرعان «كونستيتۋتسيالىق سوت تورەلىگى جانە بەيبىتشىلىك» تاقىرىبىنداعى كونستيتۋتسيالىق سوت تورەلىگى جونىندەگى دۇنيەجۇزىلىك كونفەرەنتسيانىڭ 5-كونگرەسىنە قاتىستى.

كونگرەسس جۇمىسىنا الەم­نىڭ 90-نان استام ەلىنەن كونستي­تۋتسيالىق سوتتاردىڭ جانە ولارعا تەڭەس­تى­رىلگەن مەكەمەلەردىڭ دەلەگاتسيا­لارى قاتىستى. ءىس-شارانىڭ اشىلۋ سالتاناتىندا يندونەزيا رەسپۋب­لي­كاسىنىڭ پرەزيدەنتى دجوكو ۆي­دو­دو مىرزا قۇتتىقتاۋ ءسوز سويلەدى.

كونگرەسس كونستيتۋتسيا مەن كونس­تيتۋتسيالىق سوتتاردىڭ قوعام­داعى الەۋمەتتىك بەي­بىت­شىلىكتى قولداۋداعى ءرولى، ادام قۇقىقتارىن قورعاۋ جانە زاڭنىڭ ۇستەمدىگىن قامتاماسىز ەتۋ ماسە­لەلەرىنە ارنالعان ءتورت سەسسيادان تۇردى.

ق.ءمامي مودەراتورلىق ەتكەن «قۇقىق قولدانۋ» سەسسياسىندا قوعامدىق كەلىسىم نەگىزىندە جاتقان كونستيتۋتسيالىق ەرەجەلەردى جۇزەگە اسىرۋ ماسەلەلەرى قارالدى. سەسسيا وتىرىسىن اشقان ق.ءما­مي كونستيتۋتسيوناليزمدى نى­عاي­تۋ جانە قۇقىق ۇستەمدىگى قاعي­دات­تارىن كۇشەيتۋ بەيبىتشىلىك، كەلى­سىم جانە مەملەكەتتىڭ ۇدەمەلى دا­مۋىنىڭ كەپىلى ەكەنىن اتاپ ءوتتى. كونستيتۋتسيالىق باقىلاۋ ورگان­دارىنىڭ قىزمەتى ازاماتتىق بەي­بىتشىلىكتى بۇزۋدىڭ ىقتيمال سەبەپتەرى بولاتىن زاڭنامادا جانە ونى قولدانۋ پراكتيكاسىندا قايشىلىقتار مەن ولقىلىقتاردى انىقتاۋمەن بايلانىستى.

فورۋمعا قاتىسۋشىلار كونس­تي­تۋتسيالىق ادىلەت ورگاندارىنىڭ بەيبىتشىلىككە، الەۋمەتتىك جانە وزگە دە جانجالداردى رەتتەۋگە قا­تىستى كونستيتۋتسيانىڭ ەرەجە­لەرىن ءتۇسىندىرۋى، سونداي-اق كونس­تي­تۋتسيالىق سوتتاردىڭ قىزمەتى ماسەلەلەرىن تالقىلادى.

119 ەلدىڭ وكىلدەرىن بىرىكتىرەتىن كسدك باس اسسامبلەياسىندا بيۋ­رو­نىڭ جاڭا مۇشەلەرى سايلاندى، ونىڭ قىزمەتى تۋرالى ەسەپ جا­نە مەملەكەتتەردىڭ قارجىلىق جار­نا­لارىنىڭ مولشەرى بەكىتىلدى.

كونگرەسس اياسىندا كسدك باس حات­شىسى شنۋتس ديۋرر مىرزا ەۋروپا كەڭەسى ۆەنەتسيا كوميس­سيا­سىنىڭ مالىمەتتەر بازاسىنىڭ تانىستىرىلىمىن وتكىزدى.

كونگرەسس قورىتىندىسى بو­يىنشا ادام قۇقىقتارى مەن دەمو­كراتيالىق قۇندىلىقتاردى قورعاۋ ەلدەگى الەۋمەتتىك بەي­بىت­شىلىكتى قام­تا­ماسىز ەتۋدىڭ قا­جەتتى شارتى كور­سەتىلگەن كوم­ميۋنيكە قابىل­داندى.

سونىمەن قاتار كونگرەسس شەڭ­بەرىندە قازاقستان كونس­تي­تۋتسيا­لىق كەڭەسىنىڭ توراعاسى ق.ءما­ميدىڭ توراعالىعىمەن كونستي­تۋتسيالىق باقىلاۋ ورگاندارىنىڭ ەۋرازيالىق قاۋىمداستىعىنىڭ (كبوەق) وتىرىسى ءوتتى.

كەزدەسۋگە ازەربايجان، ارمە­نيا، بەلارۋس، قىرعىز رەسپۋب­لي­كاسى، موڭعوليا، رەسەي، تاجىكستان جانە وزبەكستان كونستيتۋتسيالىق سوتتارىنىڭ دەلەگاتسيالارى قا­تىستى.

وتىرىستى اشقان ەۋرازيالىق قاۋىمداستىق توراعاسى ق.ءمامي وڭىرلىك ۇيىم شەڭبەرىندەگى قۇقىق­تىق ىنتىماقتاستىق قۇقىقتىق مەملەكەت قاعيداتتارىن بەكىتۋ سالا­سىندا اقپارات پەن تاجىريبە الما­سۋعا مۇمكىندىك بەرەتىنىن اتاپ ءوتتى. قاۋىمداستىققا قاتىسۋ­شىلار قۇقىقتىق سالاداعى ىنتى­ماق­تاستىقتىڭ نەگىزگى باعىت­تارىن، سونداي-اق قازاقستاندا قا­ۋىم­­داستىقتىڭ العاشقى كون­گرە­سىن وتكىزۋ ماسەلەلەرىن تالقىلادى.

قازاقستان كونس­تي­تۋتسيا­لىق كەڭەسىنىڭ توراعاسى ازيا كونس­تيتۋتسيالىق سوتتارى مەن با­لامالى ينستيتۋتتار قاۋىم­­داس­تىعىنىڭ (ااكس) وتى­رى­سىنا قاتىستى. جيىنعا ااكس-نىڭ قازىرگى توراعاسى، موڭ­عو­ليا كونس­تي­تۋتسيالىق سوتى­نىڭ توراعاسى چينبات نامد­جيل مىرزا مودە­را­تورلىق ەتتى. دە­لەگا­تسيا باس­شىلارى ءبىر-ءبىرىن ءوز ەل­دەرىندە بولىپ جاتقان ماڭىز­دى ءىس-شارالار مەن ودان ءارى ىن­تى­ماقتاستىق جوسپارلارى تۋرالى حاباردار ەتتى.

تاراپتار ازيا قاۋىم­داس­تى­عىنىڭ قۇرىلىمدىق بولىم­شە­لەرىنىڭ قىزمەتى تۋرالى: جوس­پارلاۋ جانە ۇيلەستىرۋ حات­شى­لىعى (يندونەزيا)، عىلىمي زەرتتەۋلەر جانە دامۋ حاتشىلىعى (كورەيا) جا­نە ادام رەسۋرستارىن وقىتۋ جانە دامىتۋ ورتالىعىنىڭ (تۇر­كيا) اقپاراتتارىن تىڭدادى.

قاۋىمداستىقتاردىڭ كەزدە­سۋ­لەرىنەن كەيىن كونستيتۋتسيالىق سوت تورەلىگى جونىندەگى دۇنيەجۇزىلىك كونفەرەنتسيا بيۋروسىنىڭ وتىرىسى ءوتتى. جيىنعا ق.ءمامي كونس­­­­تيتۋتسيالىق باقىلاۋ ورگان­دارى­نىڭ ەۋرازيالىق قاۋىم­دا­س­تىعىنىڭ باسشىسى رەتىندە قاتىستى.

كسدك بيۋروسى 5-كونگرەستىڭ قورى­تىندىلارى بويىنشا قابىل­داناتىن كومميۋنيكە، كونستي­تۋ­تسيالىق سوتتار دۇنيەجۇزىلىك قاۋىمداستىعىنىڭ قىزمەتى تۋرالى ەسەپ جوبالارىن جانە باسقا دا ماسەلەلەردى قارادى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار