مۇندا «باۋىرساق PARTY», «شۇبات – قىمىز FEST», «قاۋىن – قاربىز FEST» اتتى فەستيۆالدەرىمەن قاتار پالاۋشىلار سايىسى ۇيىمداستىرىلدى. الاڭدا قاتار قويىلعان 40 قازاندا جەرگىلىكتى اسپازداردان بولەك تۇركىستان, الماتى, اقتوبە وبلىستارىنان كەلگەن پالاۋشىلار مەرەكەلىك شاراعا جيىلعان جۇرتقا ءدام دايىندادى.
ۇيىمداستىرۋشىلاردىڭ ايتۋىنشا سايىسقا قاتىسۋعا 310 اسپاز ءوتىنىش بەرىپتى. سولاردىڭ ىشىنەن 40 اسپاز ىرىكتەلىپ الىنعان. «اباي-داۋلەت» كومپانياسىنىڭ قولداۋىمەن ءوتىپ جاتقان جارىس جەڭىمپازىنا 150 مىڭ تەڭگە مەن ماراپات تابىستالادى. باسقالار دا قۇرالاقان قالمايدى. ال الاڭدا ازىرلەنگەن پالاۋ تۇرعىندارعا تەگىن تاراتىلادى.
