بۇل مەكتەپ قۇرىلىسى بىلتىر باستالىپ, جاڭا وقۋ جىلىنا دەيىن وقۋشىلاردى قابىلداۋعا دايىن بولدى. اۋدانعا ساپارمەن كەلگەن وبلىس اكىمى نۇرلىبەك نالىباەۆ وسى №71 ورتا مەكتەپكە بارىپ, جاڭا ءبىلىم وشاعىنىڭ تابالدىرىعىن اتتاعان ۇستازدار مەن وقۋشىلارعا تىلەگىن جەتكىزدى.
بيىل وبلىستاعى اپاتتى دەپ تانىلعان 4 مەكتەپتىڭ ۇشەۋىنىڭ ورنىنا جاڭا عيمارات سالىنىپ جاتىر. مىسالى, وسى اۋدانداعى توقاباي ەلدى مەكەنىندە №248 ورتا مەكتەپ جەكە ينۆەستور ەسەبىنەن قايتا بوي كوتەرۋدە. بۇل اۋىل مەكتەبىن بيىل بىتىرگەن وقۋشىلارىنىڭ بارلىعى مەملەكەتتىك گرانت يەگەرى اتانىپ وتىر.
الداعى 3 جىلدا وسى ارال اۋدانىنىڭ وزىندە 8 مەكتەپ سالىنباق. ولاردىڭ قاتارىندا كەزىندە اسار ادىسىمەن قولدا بار ماتەريالدارمەن سوعىلعان ساپاق اۋىلدىق وكرۋگىندەگى №69 ورتا مەكتەپ پەن مەرگەنساي ەلدى مەكەنىندەگى №58 ورتا مەكتەپ كەلەر جىلى سالىنادى. جالپى, وبلىستا الداعى 3 جىلدا 32 ءبىلىم وشاعى بوي كوتەرەدى.
اۋدانداعى الەۋمەتتىك نىساندار قاتارىنا جاقسىقىلىش كەنتىندە اشىلعان «اسىلىم» اتتى جەكە بالاباقشا قوسىلدى. بالاباقشا 140 بالاعا لايىقتالعان. وبلىس اكىمى اۋىل تۇرعىندارىن جاڭا نىساننىڭ اشىلۋىمەن قۇتتىقتاپ, بىلىمگە ينۆەستيتسيا قۇيعان كاسىپكەرگە العىس ءبىلدىردى. جالپى, ارال 3 پەن 6 جاس ارالىعىنداعى بالدىرعانداردى بالاباقشامەن 100 پايىز قامتىعان اۋدان اتانىپ وتىر. الداعى ۋاقىتتا اۋداندا 16 جەكە بالاباقشا جانە مەكتەپ جانىنان 4 شاعىن ورتالىق اشىلماق.
ساپار بارىسىندا نۇرلىبەك نالىباەۆ ارالقۇم اۋىلدىق وكرۋگىنە قاراستى ءشومىش ەلدى مەكەنىندەگى «لاتون-ماركەت» جشس دەمەۋشىلىگىمەن سالىنعان امبەباپ كىشى سپورت الاڭىن كورىپ, اۋىل تۇرعىندارىمەن كەزدەستى.
– بالالارعا تارتۋ رەتىندە وڭىردە پاركتەر, سكۆەرلەر سالىنۋدا. جاقىندا عانا جاڭاقورعاندا مەتسەنات 750 ملن تەڭگەگە پارك سالۋدى باستاپ كەتتى. ودان بولەك وبلىس ورتالىعى مەن اۋدانداردا دەمەۋشىلەر قولداۋىمەن 80 بالالار الاڭى بوي كوتەرەدى. «اناعا تاعزىم» اتتى الاڭ سالۋعا 1,5 ملرد تەڭگە جۇمساۋعا بەل بايلاعان ازاماتقا دا العىس ايتامىز. بالالار جىلىندا وسىنداي كاسىپكەرلەر بالدىرعاندارعا وسىنداي تارتۋ جاساپ وتىر, – دەدى ن.نالىباەۆ.
اۋدانداعى جىلىنا 120 مىڭ توننا كۆارتس قۇمىن وندىرەتىن Aral Quarts تاۋ-كەن كومبيناتى العاشقى كەزەڭدە 40 ادامدى جۇمىسپەن قامتىسا, 172 مىڭ توننا قۇرعاق قۇرىلىس ۇنتاعىن شىعارۋعا كوشكەننەن باستاپ ەڭبەككە تارتىلعان ماماندار قاتارى ارتتى. ءوندىرىس ورنى ىشكى نارىقتى 80 پايىز ونىممەن قامتيدى. وبلىس باسشىسى بولاشاقتا وبلىس ورتالىعىندا ىسكە قوسىلاتىن شىنى زاۋىتىنا دەم بەرۋگە مۇمكىندىگى جەتەتىن كاسىپورىن جۇمىسىن ءتيىمدى ۇيلەستىرۋدى تاپسىردى.
امانوتكەل اۋىلدىق وكرۋگىندەگى دەنە شىنىقتىرۋ جانە ساۋىقتىرۋ كەشەنى «اۋىل – ەل بەسىگى» باعدارلاماسى اياسىندا اشىلىپ وتىر. جاڭا كەشەندە وبلىس اكىمى جاستارمەن جۇزدەسىپ, پىكىرلەستى. مۇندا ءبىر مەزەتتە 40 بالا باسكەتبول, ۆولەيبول, شاعىن فۋتبول ويناي الادى. اۋداندا مۇنداي دەنەشىنىقتىرۋ-ساۋىقتىرۋ كەشەنى جاقسىقىلىش كەنتى مەن قامىستىباس ەلدى مەكەنىندە دە سالىنىپ جاتىر.
قىزىلوردا وبلىسى
