pixabay.com
وبلىستىق پوليتسيا دەپارتامەنتىنىڭ ءباسپاسوز قىزمەتى حابارلاعانداي, وقيعا 27 شىلدە كۇنى شامامەن ساعات 21:10-دا بولدى.
«2009 جىلى تۋعان بالا ح.دوسپانوۆا كوشەسى 69-ءۇي اۋلاسىنداعى بالالار الاڭىندا ورناتىلعان ترەناجەر جابدىعىندا ويناپ ءجۇرىپ, جاراقات العان. وقيعا سالدارىنان بالا بىرنەشە ساۋساعىنان ايىرىلدى. اتالعان دەرەك بويىنشا قر قك 306-بابى 2-بولىگىنە (قاۋىپسىزدىك تالاپتارىنا ساي كەلمەيتىن تاۋارلاردى شىعارۋ نەمەسە ساتۋ, جۇمىستاردى ورىنداۋ نە قىزمەتتەر كورسەتۋ) سايكەس سوتقا دەيىنگى تەرگەۋ امالدارى جۇرگىزىلۋدە», دەپ حابارلادى ۆەدومستۆودان.
بقو دەنساۋلىق ساقتاۋ باسقارماسىنىڭ ءباسپاسوز حاتشىسى ايناگۇل ساقپوسىنوۆانىڭ ايتۋىنشا, بالانىڭ ءبىر ساۋساعى سول جەردە كەسىلىپ قالعان. ال تەرىسىنە ءىلىنىپ تۇرعان ەكىنشى ساۋساعى اۋرۋحانادا الىندى. بالا امبۋلاتوريالىق ەم الۋعا جىبەرىلدى.
