جامبىل وبلىسىندا سوڭعى جىلدارى كۇن, سۋ جانە جەل ەلەكتر ستانسالارى كوپتەپ بوي كوتەرە باستادى. بۇگىندە ءايشابيبى اۋىلدىق وكرۋگىنە قاراستى قىزىلتاڭ ەلدى مەكەنىنىڭ ماڭىندا ورنالاسقان «ايشا كۇنشۋاق» ستانساسىندا 50 مەگاۆاتتىق ەلەكتر قۋاتى ءوندىرىلىپ جاتىر.
اتالعان نىساننىڭ قۇرىلىس جۇمىستارى وتكەن جىلى قولعا الىنعان ەدى. جاقىندا عانا پايدالانۋعا بەرىلگەن كۇن ەلەكتر ستانساسىنىڭ قۇرىلىسىن ۋكراينالىق «رودينا» جشس جۇرگىزدى. 110 گەكتار اۋماقتى الىپ جاتقان ستانساعا 100 مىڭ كۇن پانەلى ورنالاستىرىلعان. ترەككەرلەر جۇيەسى ارقىلى پانەلدەر كۇن شىعۋىنا قاراي قوزعالىپ تۇرادى. پانەلدەردىڭ ءبىر ارتىقشىلىعى, ەكى جاعىنان دا جۇمىس ىستەيدى. ماسەلەن, قىس مەزگىلىندە جەرگە تۇسكەن قاردىڭ كۇنگە شاعىلىسقان ساۋلەسى ارقىلى دا پانەل ەنەرگيا قابىلداۋعا قاۋقارلى. پانەلدەر رەسەي فەدەراتسياسى مەن قىتاي ەلىنىڭ ءونىمى سانالادى.
ستانسانىڭ باسشىسى جاندوس رايبەك ۇلىنىڭ سوزىنە سۇيەنسەك, 50 مەگاۆاتتى قۇرايتىن كۇن ەلەكتر ستانساسىن سالۋعا اۋدان اۋماعىنان جالپى 300 گەكتار جەر بولىنگەن. بۇگىندە ونىڭ 110 گەكتارىنا كۇن پانەلدەرى ورنالاستىرىلعان. قازىرگى كەزدە وندا15 ادام ەڭبەك ەتىپ جاتىر.
ء«بىزدىڭ ستانسانىڭ باسقالاردان ارتىقشىلىعى – قوزعالمالىلىعىندا. مۇنداعى پانەلدەر كۇن ساۋلەسىنەن كوپ ەنەرگيا جيناپ قانا قويماي, كۇن كوزىنىڭ باعىتىنا قاراي قوزعالىپ, ساۋلەنى كوبىرەك تارتۋعا تىرىسادى. ۇيىتقىپ سوققان قاتتى جەلگە دە توتەپ بەرە الادى. اقپان ايىندا بولعان داۋىل كەزىندە بۇل پانەلدەر ءوزىنىڭ توزىمدىلىگىن بايقاتتى. سەكۋندىنا 40-50 مەتر جىلدامدىقپەن سوعاتىن داۋىلعا توتەپ بەرەتىندەي ەتىپ ەسەپتەلگەن», دەيدى ول جاعدايدى ءتۇسىندىرىپ.
دەرەككە كوز جۇگىرتسەك, ستانسانىڭ قۇرىلىس جۇمىسىنىڭ جوبالىق قۇنى 20,8 ملرد تەڭگەنى قۇرايدى. كۇنىنە 50 مەگاۆاتتىق ەلەكتر قۋاتى ءوندىرىلىپ, كەGوG-تىڭ ءبىرتۇتاس ەنەرگيا جۇيەسىنە بەرىلۋدە. ستانسادا وندىرىلگەن قۋات كوزى 10 مىڭنان اسا ءۇي مەن ءوندىرىس وشاقتارىنا جەتەدى. نىساننىڭ ماڭىن ارنايى جۇمىسشىلار تالاپقا ساي تازالاپ وتىرادى. ول ءۇشىن ارنايى ءشوپ وراتىن تەحنيكا دا قاراستىرىلعان.
«كومپانيا تاراپىنان ۇلكەن جۇمىس اتقارىلدى. بۇل – اۋداننىڭ عانا ەمەس, وبلىستىڭ الەۋمەتتىك-ەكونوميكالىق دامۋىنا وڭ سەرپىن بەرەدى. جالپى, ەلىمىزدە تابيعات كوزدەرىن ءتيىمدى پايدالانۋدى ۇيرەنىپ, كۇن, جەل مەن سۋ كوزدەرىن يگەرۋ قاجەتتىلىگى تۋىنداپ وتىر. قولدان كەلىپ تۇرعاندا ەلەكتر ستانسالارىن كوپتەپ سالىپ, ەلىمىزدى ەلەكتر ەنەرگياسىنا دەگەن تاۋەلدىلىكتەن ارىلتىپ, ءوزىمىزدىڭ وتاندىق ءونىم كولەمىن ۇلعايتۋعا ءتيىسپىز. بۇل جۇمىستار بولاشاعىمىز ءۇشىن جاسالىپ جاتىر», دەيدى جامبىل اۋدانىنىڭ اكىمى ەرلان قىدىرالى ۇلى.
جامبىل وبلىسى,
جامبىل اۋدانى
