سىزدەر "جايدارماندى" قايدان كورەسىزدەر؟
تەلەديداردان با,الدە ساحنادان با؟
ال ساحنا سىرتىندا دا ءومىر بار ەكەنىن بىلەسىز بە؟ البەتتە, بىلەسىز. بىراق ونىڭ تاپ قانداي اعىمدا ءجۇرىپ جاتاتىنىن جۇرتتىڭ ءبارى بىلە بەرمەيدى.
ونىڭ قانداي ارنادا اعىپ جاتاتىنىن بۇرىن ءبىز دە بىلمەيتىن ەدىك. سوندىقتان جايدارمانشى جاستاردىڭ بىزگە ۇدايى جاقسى كوڭىل-كۇي سىيلاۋ ءۇشىن دايىندىق جۇمىستارىن قالاي جۇرگىزەتىندەرىن ءوز كوزىمىزبەن كورسەكشى بولدىق. بۇل ءۇشىن, ارينە, الدىمەن "جايدارمان" تەاترىنىڭ باسشىلارىنىڭ رەسمي رۇقسات الىپ الدىق. الدىق تا ىسكە كىرىستىك...
جايدارمانشىلار تەك ءبىر قالادان ەمەس, قازاقستاننىڭ تۇكپىر-تۇكپىرىنەن كەلەدى. ءوز كيىمدەرىمەن بىرگە ساحنالىق, قويىلىمدىق كيىمدەر الىپ كەلەتىندىكتەن ار-جەردە شاشىلىپ جاتقان جۇك سومكەلەرىن كورەسىز.
جايدارمانشىلار - تەك ساحنادا عانا ەمەس, ومىردە دە كوڭىلدى, ونەرلى جاندار.
ءبىز اسكەريلەر دەگەندە - ءتۇسى سۋىق, قولىنا قارۋ ۇستاعان شىمىر دەنەلى جىگىتتەردى عانا ەلەستەتەمىز. بىراق بۇل كوماندا وسى ستەرەوتيپتى بۇزىپ ءجۇر. قۇرامىندا تەك جىگىتتەر ەمەس, قىزدار دا بار.
جايدارمانشىلار ونەردە باسەكەلەس بولعاندارىمەن, ومىردە ءبىر-بىرلەرىمەن تاتۋ دوستار بولىپ تابىلادى. ولار سوندىقتان دا كەز-كەلگەن جاعدايدا ءبىر-بىرىنە اقىلدارىن ايتىپ, كومەكتەسىپ جۇرەدى.
قويىلىمعا دايىندىق "جايدارمان" نومىرلەرى ساحناعا شىققانعا دەيىن جالعاسىپ جاتادى.
ءتىپتى تاجىريبەلى, ساقا جايدارمانشىلاردىڭ وزدەرى ساحناعا شىعار كەزدە كادىمگىدەي قوبالجيدى.
بىراق ازداعان قوبالجۋدى كورەرمەندەردىڭ ىستىق ىقىلاسى ءاپ-ساتتە باسادى.
بۇل فوتو جايدارمانشىلار اشىعىپ جۇرەدى دەگەندى بىلدىرمەيدى. نان - قويىلىمعا ارنالعان وزىندىك زات.
ولار ءاربىر تۋردىڭ اراسىندا ساحنادا ايتار سوزدەرىن قايتا پىسىقتاپ الادى...
تەك سونان سوڭ عانا ساحناعا شىعادى. ال ول جەردەگى قوبالجۋ ءتىپتى باسقا...
دانيار الان.
