جالعىزىلىكتى كەلىنشەك ءتورت بالامەن ورماندا تۇرىپ جاتىر

پەتروپاۆل. 29 ءساۋىر. سولتۇستىك قازاقستان وبلىسىندا 38 جاستاعى كەلىنشەك باسار جەرى, بارار تاۋى بولماعاسىن 4 ۇل-قىزىمەن ورمان ىشىندەگى جەركەپەنى  پانالاپ وتىر. بۇل تۋرالى egemtn.kz ءتىلشىسى حابارلادى. ورماننان سايا تابۋعا ءماجبۇر بولعان ايەلدىڭ ەل قاتارلى پاتەر جالداپ تۇرۋعا قالتاسى كوتەرمەيدى. قۇرقىلتايدىڭ ۇياسىنداي باسپانانىڭ اۋماعى-بار-جوعى 20 شارشى مەتر ەكەن. ءۇيدىڭ ءىشى ەلەكتر قۋاتىمەن عانا جىليدى. بالالاردىڭ الدى 7-گە تولسا, كىشىسى ەمشەكتە. مەكتەپتە وقيتىندارى  التى شاقىرىم جەرگە كۇن سايىن  جاياۋ-جالپىلاپ قاتىنايدى. اققۋ ءبايدىلدينا بىلتىر جەلتوقساندا كەنجەسى دامەلىنى دۇنيەگە اكەلىسىمەن ەرتەڭىنە بىردەن ۇيىنە سۇرانعان. سەبەبى, قىستىڭ كوزى قىراۋدا تەرەزەدەن قاراپ, انالارىن ساعىنا كۇتىپ وتىرعان  3 بالاسىنىڭ جايى قابىرعاسىنا قاتتى باتقان.  كوپ بالالى انا نە پەشى, نە ساكىسى جوق, قابىرعالارى جۇپ-جۇقا ءۇيدى 1 ميلليون تەڭگەگە ساتىپ الىپ, الىپساتارلاردىڭ قارماعىنا ءتۇسىپ قالسا كەرەك. وسىلايشا سولتۇستىكتىڭ قىتىمىر قىسىن ازەر وتكىزگەن جايى بار. اقتاۋدا وبلىستىق قارجى پوليتسياسىندا اعا لەيتەنانت بولىپ قىزمەت ەتكەن ايەل قازىر دەكرەتتىك دەمالىستا. 3 جىل بۇرىن كۇيەۋىنەن اجىراسىپ, تۋعان جەرى پەتروپاۆلعا كەلگەن.  گاراجىن ساتىپ, وعان  بار جيعان-تەرگەنىن قوسىپ, قايىڭدى ورمان ىشىندەگى ساياجايعا قولىن ازەر ىلىكتىرگەنگە ۇقسايدى. جاڭبىر ءسال-ءپال سەبەلەپ وتسە, مي باتپاققا ورانعان جولمەن ءجۇرۋ-ءبىر ماشاقات. بالالارى اۋرۋشاڭ كورىنەدى. پاتەر كەزەگىندە 2765-ءشى بولىپ تۇر. بىلتىر بۇل كەزەك 200 ادامعا عانا العا جىلجىعان. بۇرىنعى كۇيەۋى تولەيتىن اليمەنت پەن بالالاردىڭ جاردەماقىسىن قوسقاندا وتباسىلىق تابىس 40 مىڭ تەڭگەدەن دە اسپايدى. ءومىر ەسقالي. دەرەككوز: كتك ارناسى. فوتو: ginner.ru.