قوعام • 29 ماۋسىم، 2022

قازاقستاندا اعاش كەسكەندەردىڭ جازاسى كۇشەيتىلەدى

26 رەت كورسەتىلدى

ءماجىلىسىنىڭ جالپى وتىرىسىندا قارالعان ەكولوگيالىق قۇقىق بۇزۋشىلىقتار ءۇشىن جاۋاپكەرشىلىكتى كۇشەيتۋ ماسەلەلەرى بويىنشا اقبتك-نە، قك-نە جانە قر قىجك-نە تۇزەتۋلەر كوزدەلگەن، دەپ حابارلايدى Egemen.kz.

ۆەدومستۆو باسشىسىنىڭ ايتۋىنشا، قازاقستاننىڭ ۇلتتىق پاركتەرى مەن باسقا دا تابيعي بايلىقتارىن قورعاۋ ءۇشىن زاڭ جوبالارىنا بىرقاتار تولىقتىرۋلار مەن وزگەرىستەر ەنگىزۋدى قاراستىرادى.

مىسالى، قر اكىمشىلىك قۇقىق بۇزۋشىلىق تۋرالى كودەكسىنە قازاقستان از ورماندى بولۋىنا بايلانىستى ورمان پايدالانۋشىلاردىڭ جاۋاپكەرشىلىگىن كۇشەيتۋ قاجەت.

زاڭ جوباسىندا اقبتك-ءنىڭ 368-بابىنىڭ 2-بولىگىندە «كەسپەاعاش قورىن پايدالانۋدىڭ، سۇرەك دايىنداۋ مەن اكەتۋدىڭ، شايىر مەن اعاش شىرىندارىن، قوسالقى ورمان ماتەريالدارىن الۋدىڭ بەلگىلەنگەن ءتارتىبىن بۇزۋ» ەرەكشە قورعالاتىن تابيعي اۋماقتا جاسالعان ءىس-ارەكەتتەر ءۇشىن ايىپپۇل مولشەرىن ۇلعايتۋ ۇسىنىلادى. سونداي-اق ۇلتتىق پاركتەردى قاتتى تۇرمىستىق قالدىقتارمەن لاستاۋدىڭ وزەكتى پروبلەماسىنا بايلانىستى ورمان فاۋناسىن جويۋ نەمەسە ءبۇلدىرۋ، سونداي-اق ورماندى قالدىقتارمەن، حيميالىق زاتتارمەن ءبۇلدىرۋ، لاستاۋ جانە ورمان قورى جەرلەرىنە وزگە دە زالال كەلتىرگەنى ءۇشىن ايىپپۇلدار مولشەرى ۇلعايتىلدى.

سوڭعى جىلدارى ەرەكشە قورعالاتىن تابيعي اۋماقتاردا جەكەلەگەن تۇلعالاردىڭ ءتارتىپ بۇزۋى جيىلەگەن. ەگەر 2017 جىلى بارلىعى 41 قۇقىق بۇزۋشىلىق جاسالسا، 2020 جىلى پاندەمياعا قاراماستان 900-دەن استام ادام جاۋاپكەرشىلىككە تارتىلدى. وسىعان بايلانىستى زاڭ جوباسىندا ايىپپۇل مولشەرىن 2 اەك-تەن 5 اەك-كە دەيىن ۇلعايتۋ كوزدەلگەن.

بۇدان باسقا، ول قازىرگى ۋاقىتتا اقبتك - دە ەرەكشە قورعالاتىن تابيعي اۋماقتار رەجيمىن بۇزعانى ءۇشىن جاۋاپكەرشىلىك كوزدەلمەگەنىن، الايدا قر قك-ءنىڭ 342-بابىندا كوزدەلگەنىن، سوندىقتان اقبتك-ءنىڭ «ەرەكشە قورعالاتىن تابيعي اۋماقتار رەجيمىن بۇزۋ» دەگەن جاڭا 380-1-بابىمەن تولىقتىرىلعانىن ايتتى.

قر قك-دە اعاش كەسۋ ديناميكاسىن ەسكەرە وتىرىپ، ەلەۋلى زالالدى 100-دەن 50 اەك-كە دەيىن; ءىرى زالالدى 1000-نان 500 اەك-كە دەيىن تومەندەتۋ كوزدەلەدى. بۇل رەتتە اسا ءىرى زالال كورسەتكىشى وزگەرىسسىز قالىپ، 2000 اەك-ءتى قۇرايدى.

سوڭعى جاڭالىقتار

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار