پوليتسەي باسشىسى قايدا جاسىرىندى؟

گازەتتىڭ بۇرناعى كۇنگى سانىندا اتىراۋ وبلىسىنداعى يساتاي اۋدان­دىق ىشكى ىستەر ءبولىمىنىڭ باسشىسىنا قاتىستى پارا الۋ دەرەگىمەن قىلمىستىق ءىستىڭ قوزعالعانىن حابارلاعان ەدىك. «قۋىرداقتىڭ كوكەسىن تۇيە سويعاندا كورەسىڭ» دەگەندەي, ول جاۋاپتاۋ با­رى­سىندا ءوزىنىڭ دەنساۋ­لىعىنىڭ نا­شارلاعانى جونىندە شاعىمدانىپتى. كۇدىكتىنىڭ شاعىمىنا بايلانىس­تى مەديتسينالىق جەدەل جاردەم شاقىر­تىلعان. دارىگەرلەر پوليتسيا ءبولىمى باسشىسىنىڭ قان قىسىمىنىڭ جوعا­رىلاعانىن انىقتاپ, ونى اتىراۋ قالا­لىق اۋرۋحاناسىنا جەتكىزىپتى. مىنە, وسىنداي سەبەپپەن كۇدىكتىگە قاتىستى iس جۇرگiزۋدە ماجبۇرلەپ ۇستاۋ تۇرىندەگى, سون­داي-اق, تۇتقىنعا الۋ شاراسى الىن­باعان. ال زاڭسىز بالىق اۋلاۋشىعا قام­قورلىق تانىتتى دەلىنگەن كۇدىكتى وزىنە دارىگەرلىك كومەك كورسەتىلگەن سوڭ, اۋرۋحانادان كەتىپ قالعان جانە بەلگىسىز باعىتتا جاسىرىنعان. وبلىستىق ەكو­نوميكالىق قىلمىسقا جانە سىباي­لاس جەمقورلىققا قارسى كۇرەس دەپارتامەنتى ءدال وسىلاي حابارلاما تاراتتى. سوندا بۇل نەنى بىلدىرەدى؟ ءىرى كولەمدە پارا ال­عان پوليتسەي باسشىسى قولىمەن ءىس­تە­گەنىن موينىمەن كوتەرۋدەن جاس­قان­دى ما؟ الدە ونىڭ تەرگەۋدەن جاسى­رى­نۋىنا بىرەۋلەر مۇددەلى بولىپ وتىر ما؟ جولداسبەك شوپەعۇل, «ەگەمەن قازاقستان». اتىراۋ وبلىسى.