تاتارستان باسشىسىنا – «دوستىق» وردەنى

قازاقستاننىڭ رەسەيدەگى ەلشىسى مارات ءتاجين تاتارستان رەسپۋب­لي­كاسىندا ساپارمەن بولدى. ساپار اياسىندا ونىڭ تاتارستان رەسپۋبلي­كاسىنىڭ پرەزيدەنتى رۋستام ميننيحانوۆپەن جانە مەملەكەتتىك كەڭەس (پارلامەنت) توراعاسى فاريد مۋحامەدشينمەن كەزدەسۋلەرى ءوتتى. قازاندىق كرەملدە وتكەن تاتارستان پرەزيدەنتىمەن كەزدەسۋ بارىسىندا ەكىجاقتى قارىم-قاتىناستىڭ وزەكتى ماسەلەلەرى, قازاقستان مەن تاتارستان اراسىنداعى ءوزارا ىقپالداستىقتى ودان ءارى دامىتۋ بولاشاعى تالقىعا سالىندى. كەزدەسۋ سوڭىندا قازاقستاندىق ديپلومات قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ اتىنان قازاقستان-رەسەي قارىم-قاتى­ناستارى اياسىندا قازاقستان مەن تاتارستان حالىقتارى اراسىن­داعى بەيبىتشىلىك, دوستىق پەن ىنتى­ماق­تاستىقتى نىعايتۋداعى زور ەڭبەگى ءۇشىن ءىى دارەجەلى «دوستىق» وردەنىن تابىس ەتتى. ف.مۋحامەدشينمەن كەزدەسۋى بارىسىندا تاراپتار قازاقستان-رەسەي پارلامەنتارالىق ۇنقاتىسۋدىڭ بولا­شاعى تۋرالى, سونىمەن قاتار, قازاقستان حالقى اسسامبلەياسى مەن تاتارستان حالقى اسسامبلەياسىنىڭ ءوزارا ىقپالداسۋى تۋرالى پىكىر الماستى. قازان فەدەرالدىق ۋنيۆەرسيتەتىنىڭ تاريحي زالىندا قازاقستاندىق ديپلومات ۋنيۆەرسيتەتتىڭ ستۋدەنتتەرى مەن پروفەسسورلىق-وقىتۋشىلار قۇرامى الدىندا «ءححى عاسىردىڭ جاھاندىق سىن-قاتەرلەرى اياسىنداعى «قازاقستان-2050» ستراتەگياسى» تاقىرىبىندا لەكتسيا وقىدى, دەپ حابارلادى قر ءسىم-ءىنىڭ باس­پاسوز قىزمەتى.