استانالىق ماجىلىستە نە تالقىلانادى؟

استانادا العاش رەت وتكەلى وتىرعان ازيا دامۋ بانكى باسقارۋشىلار كەڭەسىنىڭ ماجىلىسىندە جول ماسەلەسىنە ءمان بەرىلمەك. ال ونىڭ نەگىزگى تاقىرىبى «جاڭا جىبەك جولى – وزگەرمەلى الەمدەگى ازيانى ەۋروپامەن بىرىكتىرۋ» دەپ اتالىپ وتىر. كەشە ورتالىق كوممۋنيكاتسيالار قىزمەتىندەگى بريفينگتە وسى ءماجىلىس جايىندا ايتىلدى. وعان «ەكونوميكالىق زەرتتەۋ­لەر ينستيتۋتى» اق باسقارما توراعاسى ماقسات مۇقانوۆ, ازيا دامۋ بانكىنىڭ جىل سايىنعى ءماجىلىسىنىڭ ۇيلەستىرۋشىسى دجيل دريلون جانە ەكونوميكا جانە بيۋدجەتتى جوسپارلاۋ مي­نيسترلىگىنىڭ ينۆەستيتسيالىق ساياسات دەپارتامەنتى ديرەكتورىنىڭ ورىن­باسارى الماس بايتەنوۆ قا­تىستى. ازيا دامۋ بانكى باسقارۋشىلار كەڭەسىنىڭ 47-ءشى جىل سايىنعى ءما­جى­لىسى الداعى 2-5 مامىر ارالىعىندا وتەدى. وعان قازاقستان اتىنان باسقارۋشى – ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆ توراعالىق ەتپەك. شاراعا قۇرامىندا ازيا دامۋ بانكىنە مۇشە-ەلدەردەن باس­قا­رۋشىلار, قارجى مي­نيس­تر­لەرى, ءىرى حالىقارالىق بانك­تەر جە­تەك­شىلەرى, قارجىلىق ۇيىم­دار­دىڭ, مەملەكەتتىك جانە مەم­لە­كەتتىك ەمەس, باسقا دا ۇيىم­داردىڭ جەتەكشى ماماندارى بار, بارلىعى 3500-دەن 5000-عا دەيىن ادام قا­تىسادى دەپ كۇتىلۋدە. ءماجىلىس تاقىرىبىنىڭ جول ماسەلەسىنە ارنالۋىنا قازاق­ستاننىڭ تاريحي جىبەك جولىندا ورنالاسۋى باستى سەبەپ بولىپ وتىر. ال ادب جوبالارىنىڭ ءبىرى «باتىس ەۋروپا – باتىس قىتاي» جوباسىن قارجىلاندىرۋ بولىپ تابىلادى. بۇل جوبا قازاقستاننىڭ وڭتۇستىك وبلىستارىنان وتەدى, سوندىقتان ايماقتىڭ كولىك جولدارىن دامىتۋعا جانە تەك ەۋروپانىڭ ەمەس, سونداي-اق ازيانىڭ دا ۇلكەن نارىعىنا شىعۋعا مۇمكىندىك بەرمەك. ەسكە سالا كەتسەك, 2013 جىلى ادب قازاقستانمەن ىنتىماقتاستىق اياسىندا ازيا دامۋ قورىنا دونورلىق كومەك رەتىندە 5 ميلليون دوللاردان استام قاراجات بولگەن. «وتىرىس بارىسىندا 25-كە جۋىق ءىرى شارالار, پىكىرتالاستار وتەدى. بۇل وتىرىستىڭ ەرەكشەلىگى مۇندا العاش رەت «جاسىل ەكونوميكا» قاعيداسىن نەگىزگە الىپ وتىرمىز. ايتا كەتەتىن تاعى ءبىر جايت, قازىرگى كەزدە قازاقستان تەحنيكالىق قايتارىمسىز كومەك الۋشى عانا ەمەس, كەرىسىنشە, دامۋشى ەلدەرگە جاردەمدەسۋ بويىنشا ازيا دامۋ بانكىنىڭ ارىپتەسى بولۋعا نيەتتى», دەدى بريفينگ بارىسىندا «ەكونوميكالىق زەرتتەۋلەر ينستيتۋتى» اق باسقارما توراعاسى م.مۇقانوۆ. سونداي-اق, ول ءماجىلىس اياسىندا ساياساتكەرلەر, بيزنەسمەندەر, ەۋروپادان جانە ورتالىق ازيا ايماقتارىنىڭ قارجىلىق ينستيتۋتتارىنان كەلگەن وكىلدەرگە قازاقستان ەكونوميكاسىنا سالىنعان ينۆەستيتسيالار ماسەلەسىن تالقىلاۋعا مۇمكىندىك بەرەتىن «Invest in Kazakhstan» حالىقارالىق ينۆەستيتسيالىق كونفەرەنتسياسى ۇيىمداستىرىلاتىنىن مالىمدەدى. ياعني قازاقستاننىڭ زاماناۋي ينۆەستيتسيالىق كليماتى دا ايرىقشا نازاردا بولادى. دينارا بىتىكوۆا, «ەگەمەن قازاقستان».