بولاشاق بۇگىننەن باستالادى

مەملەكەت باسشىسى نۇرسۇلتان نازارباەۆتىڭ اتىنا يوردانيا ۋنيۆەرسيتەتىنىڭ رەكتورى, پروفەسسور ەحلەيف تاراۋ­نەدەن حات كەلدى, دەپ حابارلادى پرەزيدەنتتىڭ ءباسپاسوز قىزمەتى. ءوز حاتىندا ە.تاراۋنە «قا­زاقستان-2050» ستراتەگياسىنداعى ەلدىڭ بولاشاق دامۋىنا دەگەن كوزقاراستى زور قىزىعۋشىلىقپەن زەردەلەگەنىن ايتادى. «بۇل قۇجاتتا كورىنىس تاپقان ءسىز­دىڭ جاڭا يدەيالارىڭىز كورە­­گەن ءارى يننوۆاتسيالىق جوسپار­لار­مەن تولىعا تۇسكەن, وندا ايقىن ءارى ناقتى ماقساتتار قويىل­عان. ين­نوۆاتسيالىق يندۋستريا­لان­دىرۋعا, اۋىل شارۋاشىلىعىنا, عىلىمعا بەيىمدەلگەن ەكونوميكاعا, ەنەرگيانى ءتيىمدى پايدالانۋعا جانە ادامي رەسۋرستار ءۇشىن ينۆەستيتسيا جۇمساۋعا ەرەكشە كوڭىل بولە وتىرىپ,  قازاقستان قازىرگى الەمدە كوپتەگەن تۇيتكىلدەردى شەشۋدىڭ وتە جاقسى ۇلگىسىن كورسەتىپ كەلەدى. بۇل رەتتە حالقىنىڭ بارلىعى بىردەي ءوسىپ-وركەندەي الاتىن, جان-جاقتى دامىعان قوعامدا عانا ەكونوميكالىق تابىس مۇمكىن ەكەنى دە نازاردان تىس قالماعان», دەپ جازادى اۆتور. سونداي-اق,  پروفەسسور سترا­تە­گيا­نىڭ پراگماتيزمى مەن ىسكەرلىك رۋحى بۇكىل الەمدەگى كوپتەگەن ادام­نىڭ ىنتاسىن وياتۋعا ءتيىس دەگەن پىكىرىن بىلدىرگەن. «وسىنداي قۇجاتتاردى كوپ­تە­گەن ۇكىمەتتەر قابىلداسا, تاماشا بولار ەدى. ستراتەگيامەن تانىسۋ بارىسىندا مەن بايانداۋدىڭ ايقىن­دىعى مەن ناقتىلىعىنا, سونداي-اق, عاسىر ورتاسى تاياپ قالعانى دەر كەزىندە قاپەرگە سالىنعانىنا ءتان­تى بولدىم. ءبارىمىز بولاشاقتىڭ بۇگىننەن باستالاتىنىن سەزىنۋگە ءتيىسپىز», دەلىنگەن حاتتا.