ءبىلىم • 28 مامىر، 2022

بيىل مەكتەپ مەديتسيناسىنا 26،1 ملرد تەڭگە قاراستىرىلعان

25 رەت كورسەتىلدى

قازاقستاندا مەكتەپ وقۋشىلارىن پروفيلاكتيكالىق تەكسەرۋدەن وتكىزۋگە جانە ساۋىقتىرۋعا 2022 جىلعا 26،1 ملرد تەڭگە قاراستىرىلعان، دەپ حابارلايدى Egemen.kz.



«2020 جىلى مەكتەپ مەديتسيناسى قارجىلاندىرۋدىڭ جەكە باعىتىنا شىعارىلدى. سول كەزدە وعان 18،5 ملرد تەڭگە، ال 2021 جىلى – 22،2 ملرد تەڭگە ءبولىندى. ال بيىلعى جىلى مەكتەپ وقۋشىلارى ءۇشىن الدىن الا تەكسەرۋ مەن ساۋىقتىرۋ ءىس-شارالارىنا 26،1 ملرد تەڭگەگە شارت جاسالدى» دەپ ءمالىم ەتتى «الەۋمەتتىك مەديتسينالىق ساقتاندىرۋ قورى» كوممەرتسيالىق ەمەس اكتسيونەرلىك قوعامى نۇر-سۇلتان قالاسى بويىنشا فيليالىنىڭ ءباسپاسوز قىزمەتىنەن.

بالالار جەڭىلدىككە يە ساناتقا كىرەدى جانە مەملەكەت ەسەبىنەن مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىندە ساقتاندىرىلعان. تەگىن قىزمەتتەردى بالالار مەديتسينالىق ساقتاندىرۋ قورىمەن شارت جاساسقان مەديتسينالىق ۇيىمداردان الا الادى.

مەكتەپ مەديتسيناسى بالالارعا كومەكتى تىكەلەي ءبىلىم بەرۋ ۇيىمدارىندا، ياعني مەكتەپتەردە، بالاباقشالاردا، شاعىن ورتالىقتاردا نەمەسە باسقا دا ءبىلىم وشاقتارىندا كورسەتۋدى كوزدەيدى. بۇرىن مەكتەپ مەديتسيناسى ۋچاسكەلىك قىزمەتكە بولىنگەن قاراجات ەسەبىنەن قارجىلاندىرىلعان. ءمامس جۇيەسى ەنگىزىلگەننەن كەيىن ول جەكە پوزيتسياعا شىعارىلدى.

«بيىل قور ءبىلىم بەرۋ ۇيىمدارىندا مەديتسينالىق قىزمەت كورسەتۋگە 436 ەمحانامەن 26،1 ملرد تەڭگەگە جۋىق سوماعا شارت جاسادى. سالىستىرا قاراساق: 2020 جىلى مەكتەپ مەديتسيناسىنىڭ قىزمەتىن 417 مەديتسينالىق ۇيىم، 2021 جىلى – 430 مەديتسينالىق ۇيىم كورسەتتى، شارتتاردىڭ قۇنى 22،2 ملرد تەڭگەنى قۇرادى. الدىن الا قورىتىندى بويىنشا، 2022 جىلدىڭ 1 توقسانىندا شامامەن 6،4 ملرد تەڭگەگە مەكتەپ مەديتسيناسى قىزمەتى كورسەتىلدى»، دەلىنگەن ءباسپاسوز بايانىندا.

مەكتەپ مەديتسيناسىنىڭ ءمانى – ءبىلىم بەرۋ ۇيىمدارىنداعى بالالاردى قاجەتتى مەديتسينالىق قىزمەتتەرمەن قامتاماسىز ەتۋ. بۇل جۇمىس مەكتەپ نەمەسە بالاباقشا ورنالاسقان اۋماققا قاراستى ەمحانا جاۋاپكەرشىلىگىندە بولادى. ول ءۇشىن مەكتەپتە مەديتسينا قىزمەتكەرىنىڭ جابدىقتالعان كابينەتتەرى بار ارنايى قىزمەت قۇرىلادى. پروفيلاكتيكالىق تەكسەرۋ نەمەسە ۆاكتسيناتسيا جۇرگىزۋ ءۇشىن مەكتەپكە (نەمەسە بالاباقشاعا) ءتيىستى پروفيلدەگى دارىگەرلەر كەلەدى.

مۇنداي ءىس-شارالار الدىن الا جوسپارلانادى جانە اتا-انالارعا كۇنى بۇرىن حابارلانادى. مەكتەپ مەديتسيناسىنىڭ تاريفىنە ۆاكتسيناتسيا، جىل سايىنعى پروفيلاكتيكالىق تەكسەرۋ، ءتىس دارىگەرىنىڭ تىكەلەي وقۋ ورنىندا جۇرگىزەتىن تەكسەرۋى كىرەدى. سونداي-اق وقۋ ورنىنداعى دارىگەرلەر بالالارعا سالاۋاتتى ءومىر سالتىن ۇستانۋ جونىندە ءىس-شارالار وتكىزەدى. ەگەر كاسىبي تەكسەرۋدە پاتولوگيا انىقتالعان بولسا، وندا بالا تىركەلگەن جەرى بويىنشا ەمحاناعا تەرەڭدەتىلگەن مەديتسينالىق تەكسەرۋگە جىبەرىلەدى.

بالالاردى ۆاكتسينالاۋ اتا-انا كەلىسىمىمەن ۇلتتىق ەگۋ كۇنتىزبەسى بويىنشا جۇرگىزىلەدى. شۇعىل جاعدايلاردا مەديتسينالىق پۋنكتىدە جەدەل جاردەم بريگاداسى كەلگەنگە دەيىن بالالارعا العاشقى كومەك كورسەتىلەدى.



 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار