وقيعا • 28 مامىر، 2022

ءدارىحانادان جايالىق ۇرلاپ ساتقان ەلوردا تۇرعىنى ۇستالدى

24 رەت كورسەتىلدى

نۇر-سۇلتاندا ءدارىحانادان بالالار جايالىقتارىن ۇرلاپ جاتقان بويجەتكەن بەينەكامەراعا ءتۇسىپ قالدى. بۇل تۋرالى نۇر-سۇلتان قالالىق پوليتسيا دەپارتامەنتى ءمالىم ەتتى، دەپ حابارلايدى Egemen.kz.

بەينەباقىلاۋ كامەراسىندا فارماتسەۆتتىڭ كەتىپ قالعانىن بايقاعان كليەنتتىڭ سورەدەن ەكى بۋما جايالىق الىپ، ءدارىحانادان شىعىپ بارا جاتقانىن انىق كورۋگە بولادى. كۇدىكتى ءتورت كۇننەن كەيىن ءدال وسىلاي تاعى ەكى بۋما پامپەرس ۇرلاپ كەتەدى.

سودان ول ۇرلانعان تاۋارلاردى بازاردا كەزدەيسوق ءوتىپ بارا جاتقان ادامدارعا ارزان باعامەن ساتىپ جىبەرگەن.

جەدەل-ىزدەستىرۋ ءىس-شارالارىن جۇرگىزۋ بارىسىندا پوليتسەيلەر ۇرلىق جاساعان كۇدىكتىنى بەينەكامەرالار ارقىلى انىقتادى. ول بۇرىن ۇرلىق جاساعانى ءۇشىن بىرنەشە رەت قىلمىستىق جاۋاپكەرشىلىككە تارتىلعان ەلوردانىڭ 23 جاستاعى تۇرعىنى بولىپ شىقتى.

قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە. بويجەتكەن ۇرلىق جاساعانىن مويىندادى، ونىڭ ەلوردا اۋماعىندا بۇرىن جاسالعان وسىعان ۇقساس قىلمىستارعا قاتىسى بار-جوعىنا تەكسەرۋ جۇرگىزىلۋدە.

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار