بۇل باعىتتا اباي اتىنداعى قازۇپۋ-دا ماقساتتى باعدارلامالار جولعا قويىلعان. وسى ورايدا ۋنيۆەرسيتەتتە «دارا» قورىنىڭ قولداۋىمەن ينكليۋزيۆتى ءبىلىم بەرۋدىڭ وقۋ-زەرتتەۋ زەرتحاناسى اشىلدى.
ءىس-شاراعا رەسپۋبليكانىڭ ارنايى جانە ينكليۋزيۆتى ءبىلىم بەرۋ ۇيىمدارى, پەداگوگيكا جانە پسيحولوگيا ينستيتۋتىنىڭ وكىلدەرى قاتىستى. ۋنيۆەرسيتەت رەكتورى د.ءبىلالوۆ ەرەكشە بالالار مەن ولاردىڭ وتباسىلارىن قولداۋ ءۇشىن ينكليۋزيۆتى ءبىلىم بەرۋدىڭ ماڭىزىن اتاپ ءوتتى. ء«ار بالانىڭ فيزيكالىق, الەۋمەتتىك-ەكونوميكالىق جاعدايىنا, ەموتسيونالدىق ەرەكشەلىكتەرىنە, جىنىسىنا جانە باسقا دا فاكتورلارىنا قاراماستان, ءبىلىم الۋ مۇمكىندىگى بولۋى كەرەك. مەملەكەتتىڭ مىندەتى – بۇل ءۇشىن بارلىق قاجەتتى جاعدايلاردى جاساۋ, پەداگوگيكالىق جوعارى وقۋ ورىندارىنىڭ مىندەتى – ەڭ الدىمەن, مەكتەپتەردى ەرەكشە ءبىلىم بەرۋ قاجەتتىلىكتەرى بار بالالاردى وقىتاتىن جوعارى كاسىبي ماماندارمەن قامتاماسىز ەتۋ. جاڭا زەرتحانانىڭ اشىلۋى بۇل باعىتتاعى جۇمىستى جانداندىرىپ, ەلىمىزدەگى ينكليۋزيۆتى ءبىلىم بەرۋدى دامىتۋعا ءوز ىقپالىن تيگىزەدى», دەدى ول.
وسى ءىس-شاراعا ۇيىتقى بولعان «دارا» قورىنىڭ جەتەكشىسى گۇلنار دوساەۆا ينكليۋزيۆتى ءبىلىم بەرۋدى دامىتۋ باسىم باعىت ەكەنىنە توقتالىپ, ء«بىز مۇعالىمدەرگە, وقۋشىلارعا جانە ولاردىڭ اتا-انالارىنا ينكليۋزيۆتى ءبىلىم بەرۋ كەڭىستىگىن اشا وتىرىپ, رەسپۋبليكانىڭ 50-دەن استام مەكتەبىمەن تىعىز جۇمىس ىستەپ كەلەمىز», دەدى.
ارنايى جانە جالپى ءبىلىم بەرەتىن وقۋ ورىندارىمەن ىنتىماقتاستىقتى دامىتۋ, بولاشاق مۇعالىمدەردى دۋالدى وقىتۋ, سونىمەن قاتار بالالاردى دياگنوستيكالىق زەرتتەۋ جانە وڭالتۋدى ماقسات ەتەتىن ورتالىق جۇمىسىنا وقىتۋشىلاردى, ستۋدەنتتەردى, ماگيسترانتتاردى, دوكتورانتتاردى جانە پراكتيكتەردى تارتۋ جوسپارلانۋدا. پەداگوگيكا جانە پسيحولوگيا ينستيتۋتىنىڭ ديرەكتورى عاليا اباەۆا سۋردوپەداگوگيكا, وليگوفرەنوپەداگوگيكا, تيفلوپەداگوگيكا, لوگوپەديا ماماندارىن ينكليۋزيۆتى ءبىلىم بەرۋ زەرتحاناسىنىڭ باعىتتارىمەن جانە قۇرال-جابدىقتارمەن تانىستىرىپ ءوتتى.
ءىس-شارا بارىسىندا ماماندار ەرەكشە ءبىلىم بەرۋ قاجەتتىلىكتەرى بار بالالاردى جالپى ءبىلىم بەرۋ كەڭىستىگىنە قوسۋ, ينكليۋزيۆتى جوبالىق ويلاۋ شارتتارى, جۇزەگە اسىرۋ كەزەڭدەرى مەن ادىستەرى, ەلىمىزدى ارنايى پەداگوگيكالىق كادرلارمەن قامتاماسىز ەتۋ, Big Data تەحنولوگيالارى جانە ونى ءبىلىم بەرۋ سالاسىندا قولدانۋ, سپورتتىق, شىعارماشىلىق جانە تاربيەلىك قولداۋ داعدىلارىن دامىتۋ ماسەلەسىن تالقىلاپ, بىرنەشە ماڭىزدى سالاعا قاتىستى سەمينارلار وتكىزدى.
الماتى
