الەۋمەتتىك جوبانى اقپارات جانە قوعامدىق دامۋ مينيسترلىگىنىڭ تاپسىرىسى بويىنشا «قازاقستاندىق دامۋ قاۋىمداستىعى» زاڭدى تۇلعالار بىرلەستىگى جۇزەگە اسىرادى. جوباعا ەلىمىزدىڭ ءار وڭىرىندەگى جوعارى سىنىپ وقۋشىلارى, كوللەدجدەر مەن جوعارى وقۋ ورىندارىنىڭ ستۋدەنتتەرى قاتىسا الادى.
«جوبا اياسىندا تاۋەلسىزدىك جىلدارىندا جەتىستىككە قول جەتكىزگەن قازاقستاندىقتاردىڭ قاتىسۋىمەن ءتۇرلى فورماتتاعى ءىس-شارالار وتكىزىلەتىن بولادى. ءار وڭىردە «دارىن» مەملەكەتتىك جاستار سىيلىعى لاۋرەاتتارىنىڭ قاتىسۋىمەن نەتۆوركينگ جانە تاجىريبە الماسۋ, پىكىرتالاس الاڭدارى قۇرىلىپ, شەبەرلىك سىنىپتارى, سەمينار-ترەنينگتەر ۇيىمداستىرىلادى», دەدى «تاۋەلسىزدىك ۇرپاقتارىنىڭ» ءمان-ماقساتىمەن تانىستىرعان جوبا مەنەدجەرى ەلۆيرا سارسەناليەۆا.
قىركۇيەكتە «تاۋەلسىزدىك ۇرپاقتارى» جوباسى اياسىندا نۇر-سۇلتان, شىمكەنت, الماتى قالالارىندا «بولاشاق قازاقستان – مەنىڭ كوزىممەن» اتتى تEDx كونفەرەنتسياسى وتەدى.
«بۇل ءىس-شارا اياسىندا جاستاردىڭ ەڭ بەلسەندى self made وكىلدەرى مەملەكەتتىڭ دامۋى مەن ماڭىزدى الەۋمەتتىك ماسەلەلەردى شەشۋگە قاتىستى ءوز كوزقاراستارىن ۇسىنادى», دەپ اتاپ ءوتتى ە.سارسەناليەۆا.
جوبا جەتەكشىسىنىڭ ايتۋىنشا, ءاربىر تEDx كونفەرەنتسيادان كەيىن جاستاردىڭ ءبىر-بىرىمەن تانىسۋىنا, تاجىريبە الماسۋىنا, ولاردىڭ باستامالارىن تالقىلاۋعا مۇمكىندىك بەرەتىن نەتۆوركينگ كەزدەسۋلەر ۇيىمداستىرىلماق.
سونداي-اق «قازاقستاندىق دامۋ قاۋىمداستىعى» زتب جاستار رەسۋرستىق ورتالىقتارىمەن بىرلەسىپ, «شەشەندىك ونەر», «قارجىلىق ساۋاتتىلىق», «تايم مەنەدجمەنت», «كرەاتيۆتى يندۋستريا», «بلوگ جۇرگىزۋ», «سالاماتتى ءومىر سالتى» تاقىرىپتارىنداعى وفلاين شەبەرلىك ساعاتتارىن وتكىزبەك.
سونىمەن قاتار جوبا ۇيىمداستىرۋشىلارى قازاقستاندىق تالانتتى جاستاردىڭ قاتىسۋىمەن بەينەپودكاستتاردى ازىرلەيتىن بولادى.
«تاۋەلسىزدىك ۇرپاقتارى» جوباسى تۋرالى تولىق اقپاراتتى https://www.instagram.com/p/CdcatbPtblv/?igshid= MDJmNzVkMjY سىلتەمە ارقىلى الۋعا بولادى.
