قوعام • 11 مامىر، 2022

جاڭا قازاقستاننىڭ ماڭىزىنا توقتالدى

216 رەت كورسەتىلدى

مەملەكەت باسشىسى قاسىم-جومارت توقاەۆ 5 مامىر كۇنى قازاق­ستان حالقىنا ارناعان ۇندەۋىندە كونستيتۋتسيالىق رەفورمانىڭ ماڭىز­دىلىعىنا توقتالىپ، 5 ماۋسىم كۇنى بۇكىلحالىقتىق رەفەرەندۋم وتەتى­نىن تىلگە تيەك ەتكەن بولاتىن.

ەلۋ جىلدا ەل جاڭا ەكەنىن ەسكەرسەك، قازاقستاننىڭ كونستيتۋتسياسى دا ءبىرشاما رەفورمانى تالاپ ەتەتىنى تۇسىنىكتى. رەفەرەندۋم ناتيجەسىندە اتا زاڭىمىزدىڭ ۇشتەن ءبىر بولىگى وزگەرىستەر مەن تولىقتىرۋلار ارقىلى جاڭا مازمۇنعا يە بولماق.      

ەل پرەزيدەنتىنىڭ باتىل باستاما­سىن قولداعان قازاقستان جاستار كون­گرە­سى 5 ماۋسىمدا وتەتىن رەفەرەندۋمعا باي­­­لانىستى دوڭگەلەك ۇستەل وتىرىسىن وت­كىزدى. باسقوسۋعا جينالعاندار بۇ­كىل­­حا­لىقتىق رەفەرەندۋمنىڭ مەملە­كەت دا­مۋىن­داعى رولىنە جان-جاقتى توقتالدى.

«جاستار ساياساتىنىڭ سالالىق جانە وڭىر­لىك باعدارلامالارىن ىسكە اسىرۋ شەڭبەرىندە جاس ازاماتتاردى ەلدىڭ الەۋمەتتىك-ەكونوميكالىق جانە قوعامدىق-ساياسي ومىرىنە بەلسەندى تارتۋ ءۇشىن جاعداي جاسالدى. جاستارمەن جۇمىستىڭ تۇبەگەيلى جاڭا نىساندارى ەنگىزىلدى. سونىمەن قاتار بولاشاعى زور جاستار اراسىندا الەۋمەتتىك ءليفتىنىڭ جان-جاقتى اشىقتىعىن قامتاماسىز ەتۋ قاجەت. جاستار ساياساتىمەن اينالىساتىن ازا­ماتتار مەن اتقارۋشى بيلىك ينستيتۋت­تارى اراسىندا جۇيەلى تۇردە ديالوگ جۇر­گىزۋ جانە كوممۋنيكاتسيانى دۇرىس قۇرۋ، جاستاردى ەل باسقارۋعا كوبىرەك تارتۋ­دىڭ ماڭىزى زور. بۇل ءوز كەزەگىندە قازاق­ستاننىڭ جاڭارۋ مەن جاڭعىرۋىن قام­تاماسىز ەتەدى. سول سەبەپتى الداعى رەفە­رەندۋمعا جاستار سەرگەك قاراۋى كەرەك.

الداعى بۇكىلحالىقتىق رەفەرەندۋم مەملەكەتىمىزدىڭ دامۋى ءۇشىن ماڭىزدى قا­دام بولىپ وتىر. اتا زاڭىمىز حالىق­تىڭ ءۇن قاتۋىمەن 1995 جىلى قابىل­دان­­عان ەدى. ودان بەرى 27 جىل ءوتتى. بۇل با­­عىتتا دا رەفورمالار كەرەكتىگىن ۋا­قىت­­تىڭ ءوزى كورسەتتى. سوندىقتان دا جاڭا قا­زاق­ستاندى قۇرۋ جولىنداعى جاڭا قادام­عا ءبىر كىسىدەي اتسالىسۋىمىز كە­رەك»، دەدى قازاقستان جاستار كون­گرەسى­نىڭ اتقارۋشى ديرەكتورى توقتار بولىسوۆ.

دوڭگەلەك ۇستەل وتىرىسىنا قاتىس­قان پارلامەنت ءماجىلىسىنىڭ دەپۋتاتى ەلنۇر بەيسەنباەۆ، قازاقستان رەسپۋب­ليكاسى پرەزيدەنتىنىڭ جانىنداعى جاستار ساياساتى جونىندەگى كەڭەس مۇشەسى، Qazaqstan Team رەسپۋبليكا­لىق قوعامدىق جاستار بىرلەستىگىنىڭ جەتەك­­شىسى ولجاس سۇلەيمەنوۆ، Amanat پارتياسى قوعامدىق ساياسات ينستي­­تۋتى ديرەكتورىنىڭ ورىنباسارى دينارا سادۋاقاسوۆا دا الداعى رەفە­رەن­دۋمنىڭ مەملەكەتىمىز ءۇشىن اسا زور ماڭىزعا يە ەكەنىن ءسوز ەتىپ، وعان قازاق­ستان حالقى جۇمىلعان جۇدىرىقتاي قاتىسۋى كەرەكتىگىن ايتتى.

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار