ءتارتىپ ساقشىلارى جاتتىعۋ جيىنىن وتكىزدى

كەشە ەلىمىزدەگى كۇش جانە ءتارتىپ قۇرالدارىنىڭ قوعامدىق ءتارتىپ پەن قاۋىپسىزدىكتى قامتاماسىز ەتۋ جونىندەگى مىندەتتەردى ورىن­داۋ­عا دايىندىعىن تەكسەرۋگە ارنالعان رەسپۋبليكالىق جيىن وتكىزىلدى. اۋقىمى جاعىنان تەڭدەسسىز بۇل جيىن ەلىمىزدىڭ 12 وبلىسى مەن الماتى قالاسىندا ءبىر مەز­گىلدە جۇرگىزىلدى. جيىنعا ىشكى ءىس­تەر مينيسترلىگى ىشكى ىستەر ورگان­دارى مەن ىشكى ىستەر اسكەري قىز­مەتكەرلەرىنەن بولەك, توتەنشە جاع­دايلار مينيسترلىگىنىڭ ءورت قىزمەتى مەن باسقا دا ءبولىم­شە­لەرىنىڭ, كولىك جانە باسقا دا ورگانداردىڭ قىزمەتكەرلەرى, قارۋلى كۇشتەردىڭ اسكەري قىز­مەتكەرلەرى قاتىستى. جيىندى قازاقستان رەسپۋب­ليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى قايرات قوجامجاروۆ باسقاردى. ءىس-شارانىڭ ءجۇرۋ بارىسىن قازاقستان رەس­پۋبليكاسىنىڭ پرەمەر-مي­نيسترى كارىم ءماسىموۆ باقىلادى. جيىن ءوزىنىڭ ماقساتىنا جەتتى, وندا مەملەكەتتىك ورگانداردىڭ ءوزارا بىرلەسكەن ءىس-قيمىلى پى­سىقتالىپ, پوليتسەيلەر مەن اپات­تى-قۇتقارۋ قىزمەتىنىڭ تەحنيكامەن جاراقتاندىرىلۋ جايى, ولاردىڭ جۇمىستارىنداعى قالىپتاسقان داعدىلار, سونداي-اق كۇشتەر مەن قۇرالداردى بەكى­تىلگەن ءنورماتيۆتى مەرزىم شەڭ­بەرىندە باسقا جاقتارعا اۋىستىرۋ جونىندەگى ارەكەتتەردىڭ جۇزەگە اسىرىلۋ دەڭگەيى تەكسەرىلدى. جيىن بىتكەننەن كەيىن بار­لىق كۇشتەر مەن قۇرالدار وزدە­رىنىڭ تۇراقتى ورىندارىنا قاي­تارىلدى. پرەمەر-مينيستر كارىم ءما­سىموۆ ىشكى ىستەر مينيسترلىگى مەن باسقا دا مەملەكەتتىك ورگانداردىڭ جيىن بارىسىنداعى ءىس-قيمىلىنا تۇتاستاي العاندا وڭ باعا بەردى. «ەگەمەن-اقپارات».