• 11 ءساۋىر, 2014

اقپاراتتار اعىنى

211 رەت

كورسەتىلدى

2 مين

وقۋ ءۇشىن

Egemen Qazaqstan

● «قازاق كۇرىش شارۋاشىلىعى» عىلىمي-زەرتتەۋ ينستيتۋتىنىڭ ماماندارى ارپانىڭ جاڭا سۇرىبىن ويلاپ تاپتى. وعان «شاحريستان» دەگەن اتاۋ بەرىلگەن. قازىر اتالمىش ينستيتۋت يەلىگىندەگى 1200 گەكتار اۋماقتا عىلىمي-زەرتتەۋ جۇمىستارىنا نەگىزدەلگەن ءداندى-داقىلدار ءوسىرۋ قولعا الىندى. ● كاسپي تەڭىزىندەگى باعالى بالىقتى قورعاۋ ماقساتىمەن «بەكىرە» وپەراتسياسى ءوز جۇمىسىن باستاپ كەتتى. ونىڭ قۇرامىنداعى ماماندار مامىر ايىنىڭ سوڭىنا دەيىن تەڭىز بالىعىنىڭ ۋىلدىرىق شاشۋىنا مۇمكىندىك جاسايدى. قازىر انىقتالعان قۇقىق بۇزۋشىلىق بويىنشا ءتيىستى شارالار كورىلۋدە. ● الماتى قالاسىندا بيىلعى ءبىرىنشى توقساندا شوعىرلاندىرىلعان بيۋدجەتكە 295,2 ملرد. تەڭگە تۇسكەن. مۇنى وتكەن جىلمەن سالىستىرساق, ءوسۋ كورسەتكىشى 9 ملرد. تەڭگەگە ارتقان. ال الداعى مەرزىمدە ءوڭىردىڭ ۇدەمەلى يندۋستريالىق-يننوۆاتسيالىق باعدارلاماسىن ودان ءارى ءساتتى جۇرگىزۋ ءۇشىن ۇلتتىق قوردان قارجى ءبولۋ قاراستىرىلۋدا. ● اقمولا وبلىسىندا «التىن جاس» دەپ اتالاتىن كلۋب اشىلدى. ونىڭ مۇشەلەرى -70 پەن 90 جاس ارالىعىنداعى ارداگەرلەر. ولارعا ارنالعان ارنايى جاتتىعۋ زالى مەن ءجۇزۋ الاڭى بار. ● وڭتۇستىك قازاقستان وبلىسىندا شيرەك عاسىردان بەرى العاش رەت «وڭتۇستىك سامالى-2014» فەستيۆالى وتكىزىلگەلى وتىر. ۇيىمداستىرۋشىلاردىڭ ايتۋى بويىنشا, بۇل شارا 25-27 ءساۋىر ارالىعىندا ارىس پەن بايدىبەك وزەندەرىنىڭ تۇيىسكەن جەرىندە وتەدى. دۋماندى كەشكە رەسپۋبليكامىزدىڭ جەر-جەرىنەن بەلگىلى ونەر يەلەرى قاتىسادى. ● كەلەر جىلى قاراعاندى وبلىسىندا بيە سۇتىنەن قۇرعاق ۇنتاق وندىرىلەدى. نەمىس تەحنولوگياسى نەگىزىندە وندىرىلەتىن بۇل ءونىمدى «ەۆرازيا ينۆەست Ltd» جشس نارىققا شىعارادى. ماماندار ونىڭ ساپالى بولاتىنىنا سەنىم ءبىلدىرىپ وتىر. ● پاۆلودار وبلىسىندا ۇلى وتان سوعىسى ارداگەرلەرىنىڭ پاتەرىن جوندەۋگە 60 ملن. تەڭگە ءبولىندى. وسىعان بايلانىستى جۋىق ارادا 70 پاتەرگە جوندەۋ جۇمىستارى جۇرگىزىلەدى. سونىمەن بىرگە, جەڭىس مەرەكەسى كۇنى سوعىس ارداگەرلەرىنە جانە تىل ەڭبەككەرلەرىنە ماتەريالدىق كومەك بەرۋ جوسپارلانعان. ● باتىس قازاقستاندا اتىراۋ وبلىسىنىڭ مادەني كۇندەرى وتۋدە. وندا اتىراۋ ءوڭىرىنىڭ قۇندى جادىگەرلەرى كەلۋشىلەردىڭ نازارىنا ۇسىنىلدى. سونداي-اق, جۇرتشىلىق ورتاعاسىرلىق سارايشىق قالاشىعىنان تابىلعان ارحەولوگيالىق بۇيىمدارمەن تانىستى. BNews.kz, Nur.kz, Egemen.kz حابارلارى بويىنشا دايىندالدى.