تۇرمەدەن دە ءتىلىپ جەدى

كۇزەت قىزمەتىن كۇشەيتۋگە بولىنگەن 322 ميلليون تەڭگە تۇگەندەلمەي جاتىر

بيۋدجەت قاراجاتىن كورگەن­دە جەمساۋى بۇلكىلدەپ تۇراتىن قوماعايلار اتىراۋدا ازايار ەمەس. باسقاسى باسقا, قۋ قۇلقىننىڭ قامىن كۇيتتەگەندەر ەندى تۇرمە­نىڭ كۇزەتىن كۇشەيتۋگە بولىنگەن بيۋدجەت قارجىسىنا قول سالا باس­تادى. بۇعان وبلىستىق ەكو­نو­ميكالىق قىل­مىسقا جانە سىبايلاس جەمقورلىق­­قا قار­سى كۇرەس دەپارتامەنتىنىڭ ءتۇ­زەۋ مەكەمەسىندەگى جوندەۋ جۇمىس­تا­رىنا جاراتىلۋى ءتيىس بولىنگەن 322 ميلليون تەڭگەنىڭ ۇرلانعانىن انىقتاۋى ايقىن دالەل. ناقتىلاي ايتقاندا, «ەڭبەك اتىراۋ» فيليالىنىڭ ديرەكتورى 2013 جىلدىڭ ناۋرىز-جەل­توقسان ايلارى ارالىعىندا ءتۇر­مە­نىڭ ينجەنەرلىك-تەحنيكالىق قۇرال­­دارىنا كۇردەلى جوندەۋ ءجۇر­گىزۋگە جانە تۇرعىن ايماق وبەك­تىلەرىن وقشاۋلاۋعا باي­لانىستى اتىراۋداعى ۋگ-157/9 مەكەمەسىمەن كەلىسىمشارت جاساعان. الايدا, ديرەكتوردىڭ تۇپكى ويىندا تۇرمە­­نىڭ اينالاسىنان مىڭداپ ەمەس, بىرنە­شە ميل­ليونداعان قارجىنى قارپىپ قالۋ جوس­پارى تۇزىلگەن سەكىلدى. ءسويتىپ, تۇرمە كۇزەتىن كۇ­شەيتۋگە جۇمسالعان قۇرىلىس ماتەريالدارىنىڭ باعاسىن ءوسىرىپ, جوبالىق-سمەتالىق قۇجاتتاردى اۋىستىرۋ ارقىلى ءىرى كولەمدەگى (322 ميلليون تەڭگە) بيۋدجەت قاراجاتىن ۇرلاعان. قازىر اتالعان فاكتى بويىنشا «ەڭبەك اتىراۋ» فيليالىنىڭ ديرەكتورىنا قا­­­تىس­تى قىلمىستىق كودەكستىڭ 176-بابىنىڭ 3-بولىگى­مەن (سەنىپ تاپسىرىلعان بوتەن م ۇلىكتى يەلەنىپ الۋ نەمەسە ىسىراپ ەتۋ) قىل­مىستىق ءىس قوزعالدى. بۇل, ارينە, بيۋدجەت قا­راجاتىن اتىراۋشا ۇرلاۋ ءادىسىنىڭ ءالى دە جۋىق ارادا تىيىلا قويمايتىنىن باي­قاتادى. جولداسبەك شوپەعۇل, «ەگەمەن قازاقستان». اتىراۋ وبلىسى.