«وزدەرىڭىز بىلەسىزدەر, ءبىر ايدان استام ۋاقىت بۇرىن جولداۋدا ساياسي رەفورمالاردىڭ اۋقىمدى باعدارلاماسىن ۇسىنعان بولاتىنمىن. ول قوعامدا بەلسەندى تۇردە تالقىلانىپ, ساراپشىلار تاراپىنان, ونىڭ ىشىندە AMANAT پارتياسىنىڭ الاڭىندا جان-جاقتى ساراپتالدى. تولىقتاي العاندا, باعدارلاما جىلدار بويى قوردالانىپ قالعان الەۋمەتتىك سۇرانىستارعا لايىقتى جاۋاپ رەتىندە ازاماتتار اراسىندا كەڭىنەن قولداۋعا يە بولدى», دەدى پرەزيدەنت.
بۇدان سوڭ, مەملەكەت باسشىسى ءوزىنىڭ تاپسىرماسىمەن كونستيتۋتسياعا تۇزەتۋلەر جوباسىن دايىنداۋ جۇمىسى كىدىرىسسىز باستالعانىن ءسوز ەتتى.
«اتا زاڭعا وزگەرتۋلەر ەنگىزبەي, بەلگىلەنگەن اۋقىمدى وزگەرىستەردى ءتيىمدى جۇزەگە اسىرۋ مۇمكىن ەمەستىگى تۇسىنىكتى. كونستيتۋتسيالىق رەفورمانىڭ ماقساتى - ەلدى بۇدان ءارى ساياسي رەفورمالاۋعا مىعىم ىرگەتاس قالاۋ. وتكەن اپتادا تۇزەتۋلەر جوباسى كونستيتۋتسيالىق كەڭەسكە جولداندى», دەدى قاسىم-جومارت توقاەۆ.
