سوت يگور دۋجنوۆتى بەس ادامنىڭ ولىمىنە كىنالى دەپ تاپتى.
«دجۋنوۆقا قاۋىپسىز مەكەمەدە ءومىر بويى باس بوستاندىعىنان ايىرۋ تاعايىندالسىن», دەپ ۇكىم شىعاردى سۋديا.
بۇعان دەيىن پروكۋرور سوتتان يگور دۋجنوۆتى ءومىر بويىنا باس بوستاندىعىنان ايىرۋدى سۇراعان بولاتىن.
ەسكە سالايىق, بىلتىر 20 قىركۇيەك كۇنى الماتىدا جەكە ۇيلەردىڭ بىرىنە كەلگەن سوت ورىنداۋشىعا, ۋچاسكەلىك پوليتسيا ينسپەكتورلارىنا ءۇي يەسى — 1967 جىلى تۋعان ازامات وق اتتى. قىزمەت بارىسىندا بەس ادام, ونىڭ ىشىندە ەكى پوليتسيا قىزمەتكەرى وقتان جاراقات الىپ, كوز جۇمدى.
قازا تاپقان پوليتسەيلەردىڭ ءبىرىنىڭ ارتىندا – 5, ەكىنشىسىندە 2 بالا قالدى. كەيىنىرەك جەكە سوت ورىنداۋشىلارىنىڭ پالاتاسى وقيعاعا قاتىستى تۇسىنىكتەمە بەردى. «بانك تسەنتركرەديت» اق ءىس بويىنشا قاجەتتى بارلىق قۇجات ۇسىنىلاتىنىن جانە زارداپ شەككەندەردىڭ تۋىستارىنا جان-جاقتى كومەك كورسەتىلەتىنىن جەتكىزدى.
