قارجى پيراميداسى: الاياقتىق ازايماي تۇر

وتىرىكتى سۋداي ساپىرىپ، الەۋ­مەتتى ابىگەرگە سالعان قارجى ۇيىم­دارىنىڭ ارباۋىنا تۇسكەندەر قانشا قارجىسىنان ايىرىلدى؟ قارجى پيراميدالارىنان زارداپ شەككەن جابىرلەنۋشىلەردىڭ سانى قانشاعا جەتتى؟ قىلمىستىق ىسكە قاتىسى بار ۇيىمداردى نە كۇتىپ تۇر؟ ورتالىق كوممۋنيكا­تسيا­لار قىزمەتى الاڭىندا وتكەن ءباس­پاسوز ءماسليحاتىندا ءىىم تەر­گەۋ دەپارتامەنتىنىڭ باسشىسى سانجار ءادىلوۆ قوعامدى تولعان­دىرعان ماسەلەنىڭ مانىسىنە ءۇڭىلدى.

«وتكەن جىلى ەلىمىز بويىنشا قارجى پيراميدالارىنىڭ قۇربانى رەتىندە 31 مىڭنان استام ازامات تىركەلدى. ولارعا 54 ملرد تەڭگەدەن استام قارجى كولەمىندە زالال كەلتىرىلگەن. بۇگىنگى تاڭ­دا ىشكى ىستەر ورگاندارىنىڭ وندى­رىسىندە وسى ساناتتاعى 65 قىل­مىستىق ءىس بار، 3 مىڭنان استام ادام جابىرلەنۋشى بولىپ تانىلدى»، دەدى ءىىم وكىلى ءباسپاسوز ءماس­ليحاتىندا سويلەگەن سوزىندە.

سانجار ءادىلوۆتىڭ مالى­مەتىنشە، سوڭعى جىلدارى قىل­مىس­كەرلەردىڭ قىزمەتى ەكونو­مي­كالىق بەلسەندىلىكتىڭ جوعارى­لاۋىمەن، سونداي-اق حالىقتىڭ ينۆەستيتسيالارعا قىزىعۋشىلىق تانىتا باستاۋىمەن بايلانىستى بولىپ تۇر.

«سايتتاردى بۇعاتتاۋ، ۇيىم­داس­تىرۋشىلاردى، فيليالداردى، قۇرىلىمدىق بولىمشەلەردى ورناتۋ سەكىلدى شارالاردىڭ ناتيجەسىندە 180-نەن استام قار­جىلىق ينۆەستيتسيالىق كومپا­نيا مەن فيرمانىڭ قىزمەتى توق­تاتىلدى.138 ادام قىلمىستىق جا­ۋاپكەرشىلىككە تارتىلىپ، ولاردىڭ 50-ءى سوتتالدى، قالعاندارىنا قا­تىستى سوت تالقىلاۋى ءجۇرىپ جاتىر»، دەيدى سپيكەر. سونداي-اق ول بلوگەرلەردىڭ دە قارجىلىق پيراميدا قىزمەتىنە بەلسەندى قاتىساتىنىن اتاپ ءوتتى.

وسىعان وراي س.ءادىلوۆ Astex.kz، ACD Technology جانە Muda­rabah Capital جشس-لارى قارجى­لىق پيراميدالار جەلىسىنىڭ قىز­مەتىنەن زارداپ شەككەن جابىر­لە­نۋشىلەردىڭ وتىنىشتەرى جانە ىشكى ىستەر مينيسترلىگى عيمارا­تىنىڭ ماڭىنداعى جابىرلە­نۋشىمەن بولعان وقيعاعا قاتىستى ارنايى مالىمدەمە جاسادى. «بۇل قارجى پيراميدالارى وزدەرىن ۇستەمە تابىستى ينۆەس­تيتسيالار سالاسىنداعى تابىستى ۇيىم­دار رەتىندە جارنامالاپ كەلگەن. ازاماتتاردىڭ قاراجاتىن تار­تۋ ءۇشىن قىلمىسكەرلەر ىنتى­ماق­تاستىق تۋرالى سوڭعى كەلى­سىمشارتتار جاساسىپ، قارا­جات مەملەكەتتىك ساتىپ الۋعا قاتى­سۋ ءۇشىن جىبەرىلىپ وتىرعان. كورسە­تىلگەن قىزمەتتەن سالىمشىلارعا اي سايىن 20 پايىزعا دەيىن ديۆيدەندتەر تولەۋگە ۋادە ەتىلگەن»، دەيدى سپيكەر.

الايدا ءىس جۇزىندە اstex.kz جانە ACD Technology جشس-لارى مەملەكەتتىك ساتىپ الۋعا قا­تىسپاي، ينۆەستورلارعا ديۆيدەندتەر جاڭا سالىمشىلاردىڭ جارنالارى ەسەبىنەن تولەنىپ كەلگەن. «بۇل رەتتە تۇسەتىن قارجى كولەمىن ۇلعايتۋ ماقساتىندا جوعارىدا اتالعان قارجى پيراميدالارىنىڭ قىزمەتىنە بەلگىلى بلوگەرلەر جارناما جاساۋ ءۇشىن تارتىلدى. قازىرگى ۋاقىتتا وسى سەرىكتەستەردىڭ ۇستى­نەن قىلمىستىق ءىس قوزعالىپ، ءبىراز اۋقىمدى جۇمىس اتقارىلدى. كوپ­تەگەن ەكونوميكالىق، بۋحگال­تەرلىك سوت ساراپتاماسى تاع­ا­يىندالدى»، دەپ مالىمدەدى دەپارتامەنت قىزمەتكەرى.

جابىرلەنۋشىلەرگە كەلتىرىلگەن ماتەريالدىق زالالدى وتەۋ ماق­ساتىندا تەرگەۋشى كۇدىكتىلەر مەن ولاردىڭ تۋىستارىنا تىركەل­گەن الماتى، نۇر-سۇلتان قالالا­رىندا جانە الماتى وبلىسىندا ورنالاسقان م ۇلىككە (4 جەر ۋچاس­كەسى، 10 پاتەر، 5 جەكە ءۇي، 2 اۆتوموبيل، 1 دۇكەن جانە كومپانيانىڭ بارلىق ەسەپ ايىرىسۋ شوتتارىنا) تىيىم سالعان. تىيىم سالىنعان م ۇلىكتىڭ تاعدىرىن سوت شەشەدى. وسى قىلمىستىق ءىس شەڭبەرىندە 14 ادام كۇدىكتى دەپ تانىلدى.

«ەلگە تانىمال ءۇش بلوگەر – مەيىرجان تورەباەۆ، مەيىرحان شەرنيازوۆ جانە ءازىم سايدباەۆ وسى قىلمىستىق ءىس بويىنشا كۇدىك­تى دەپ تانىلدى، ەكەۋىنە قاتىستى «كەپىل» تۇرىندەگى بۇلتارتپاۋ شاراسى قولدانىلسا، بىرەۋى كۇزەتپەن ۇستالدى»، دەيدى سانجار ءادىلوۆ.