وبلىستىق تجد مالىمەتىنشە, تۇرعىن ۇيدەگى ءورت 27 ناۋرىزدا ساعات 13:57-دە بولعان. ءورت 100 شارشى مەتر اۋماققا جايىلدى.
ء«ورت ورنىندا ءۇي-جايدى جالعا العان 1988 جىلى تۋعان ازاماتتىڭ جانىپ كەتكەن دەنەسى تابىلدى. سونداي-اق ءورت كەزىندە زارداپ شەككەن 1985 جىلى تۋعان ازامات جەدەل جاردەم كولىگىندە قايتىس بولدى. كورشى بولمەدە 2011 جانە 2013 جىلدارى تۋعان ەكى قىزدىڭ ءمايىتى تابىلدى», دەلىنگەن وبلىستىق تجد حابارلاماسىندا.
ۆەدومستۆودا اتاپ وتىلگەندەي, ءورت 15:05-تە اۋىزدىقتالدى.
قازىرگى ۋاقىتتا ءورتتىڭ شىعۋ سەبەبى انىقتالۋدا. ءورتتى سوندىرۋگە تجد 23 قىزمەتكەرى مەن بەس ارنايى تەحنيكا جۇمىلدىرىلدى.
