پرەزيدەنتتىڭ شامادان تىس وكىلەتتىكتەردەن باس تارتۋ باستاماسى ساياسي جاڭارۋ باعىتىنداعى تاعى ءبىر قادام. پارلامەنتتىڭ ءرولىن كۇشەيتۋ – «كۇشتى پرەزيدەنت, ىقپالدى پارلامەنت جانە ەسەپ بەرەتىن ۇكىمەت» ساياسي جۇيە كەسكىن-كەلبەتىن ىسكە اسىرۋ بيلىك ينستيتۋتتارى مەن جەرگىلىكتى وكىلدى ورگانداردىڭ تەپە-تەڭدىگىن قامتاماسىز ەتۋگە باعىتتالعان.
اتاپ ايتقاندا, ماسليحاتتارعا سايلاۋدىڭ ارالاس ۇلگىسىن ەنگىزۋ وتە ۋاقتىلى جانە حالىقتىڭ سۇرانىسىنا جاۋاپ بەرەدى. ءماسليحاتتاردىڭ ءرولىن ارتتىرۋ جانە ولاردىڭ تاۋەلسىزدىگىن قامتاماسىز ەتۋ ءۇشىن ءماسليحات توراعاسى لاۋازىمى ەنگىزىلەدى. بۇل دا ءبىراز ۋاقىتتان بەرى تالقىلانىپ, بۇگىنگى قۇجاتتا كورىنىس تاپقان ماسەلە بولىپ تابىلادى. جەرگىلىكتى باسقارۋ ورگاندارىن قارجىلاندىرۋدى كەڭەيتۋ جانە ولاردىڭ مەنشىك بازاسىن كەڭەيتۋ كوزدەلىپ وتىر.
مەملەكەت باسشىسى جەرگىلىكتى ءوزىن ءوزى باسقارۋ ورگاندارىنىڭ جۇمىس ىستەۋىنىڭ ىرگەلى قاعيداتتارىن ايقىندايتىن قۇجات رەتىندە ەسەپتەلەتىن ەۋروپالىق جەرگىلىكتى ءوزىن ءوزى باسقارۋ حارتياسىن راتيفيكاتسيالاۋ قاجەتتىگى تۋرالى ايتتى. وسى شارالاردىڭ بارلىعى جىل ورتاسىنا دەيىن جۇزەگە اسۋى ءتيىس. بۇل باستامالار حالىق پەن بيلىكتىڭ اراسىنداعى سەنىمدى ارتتىرۋعا سەپتىگىن تيزگىزەتىنى انىق.
اقمارال ءالنازاروۆا,
سەنات دەپۋتاتى
