الىبەك قۋانتىروۆ پرەزيدەنت تاپسىرمالارىنىڭ ورىندالۋ بارىسى جونىندە باياندادى. اتاپ ايتقاندا, حالىقتىڭ تابىسىن ارتتىرۋ باعدارلاماسى مەن ينفلياتسيانى باقىلاۋ جانە تومەندەتۋ جونىندەگى كەشەندى شارالاردىڭ جۇزەگە اسىرىلۋى تۋرالى ءسوز بولدى.
مەملەكەت باسشىسى قازاقستان حالقىنا جولداۋى اياسىندا ەلىمىزدىڭ اكىمشىلىك-اۋماقتىق قۇرىلىمىن وزگەرتۋ جونىندە ناقتى مىندەت جۇكتەدى. قازىرگى ۋاقىتتا كوميسسيا جاساقتالىپ, جاڭا وبلىستاردى قۇرۋ جۇمىستارىنىڭ الگوريتمى ازىرلەندى.
كەزدەسۋ قورىتىندىسى بويىنشا قاسىم-جومارت توقاەۆ ماكروەكونوميكالىق تۇراقتىلىقتى قامتاماسىز ەتۋ, ەكونوميكانى ءارتاراپتاندىرۋ جانە جاڭا جۇمىس ورىندارىن اشۋ, ەكونوميكاداعى مەملەكەتتىڭ ۇلەسىن ازايتۋ, سونداي-اق تۇرعىندار مەن كاسىپكەرلەرگە قولداۋ كورسەتۋ جونىندە بىرقاتار تاپسىرما بەردى.
