قوعام • 18 اقپان، 2022

قالتا ۇرلىعى مەن الاياقتىق كوبەيگەن

139 رەت كورسەتىلدى

وتكەن جىلى اقتوبە وبلىسىندا تىركەلگەن ءاربىر قىلمىستىڭ ءتورتىنشىسى – الاياقتىققا قاتىستى قىلمىستار. بۇل تۋرالى پوليتسيا دەپارتامەنتى باستىعىنىڭ ورىنباسارى مۇرات سەيتالين وڭىرلىك كوممۋنيكاتسيالار قىزمەتىندە وتكەن بريفينگتە مالىمدەدى. سوڭعى ۋاقىتتا ادامداردىڭ اڭقاۋلىعىن پاي­دالانىپ، سەنىمىنە كىرىپ، تەلەفون ارقىلى جەكە مالىمەتتەرىن پاي­دالانىپ، تاقىرعا وتىرعىزىپ كەتىپ جاتقاندار ءتىپتى كوبەيىپ با­رادى.

قازىرگى كەزدە جۇرتتى الداپ-ارباۋدىڭ ەڭ كوپ تارالعان تۇر­لە­رى – OLX جارناماسىمەن زات ساتىپ الۋ مەن ساتۋدا الداۋ، ونلاين نەسيە راسىمدەۋ، ميكرو­نەسيە ۇيىمدارى ارقىلى تۇرعىنداردىڭ سىرتىنان قارجى الۋ. سوڭعى ۋاقىتتا جەرگىلىكتى پوليتسيا قىز­مەتكەرلەرى مەكتەپتەرگە، كاسىپ­ورىن­دارعا الاياقتىقتىڭ قۇربانى بولۋدان ساقتاندىراتىن بەينەروليكتەر، بۋكلەتتەر تاراتۋدى باستادى.

سالىستىرمالى تۇردە قارا­عاندا وتكەن جىلى كىسى ءولىمى، بۇ­زا­قىلىق، وزگەنىڭ مۇلكىن ۇرلاۋ قىل­مىستارى ازايسا، سونىڭ ىشىن­دە قوعامدىق ورىندار مەن كو­شەدە ماس كۇيىندە جاسالعان قىل­مىستار وتە از تىركەلگەن. الاي­دا كولىك ۇرلىعى، سونىڭ ىشىندە اككۋمۋ­لياتور ۇرلاۋ كوبەيىپ كەتتى. پو­ليتسيا اككۋمۋلياتورلاردى قابىلدايتىن ورىنداردى تەكسەرۋ بارىسىندا، وسى جەرلەردە جۇمىس ىستەيتىن كەيبىر ادام­دار­دىڭ كولىك ۇرىلارىمەن بايلانىسى بارىن انىقتادى. سونىڭ ارقاسىندا وتكەن جىلى اككۋمۋلياتور ۇرلىعىنا ابدەن ماماندانعان جەتى قىلمىستىق توپ ۇستالىپ، ءىس قوزعالدى. وتكەن اپتادا تاعى دا قىلمىستىڭ وسى تۇرىمەن اينا­لىسقان ەكى جاس جىگىت ۇستالىپ، ولاردىڭ ۇستىنەن قك 188-بابى 3-بولىگى «ۇرلىق» بويىنشا سوتقا دەيىنگى تەرگەۋ باستالدى.

كولىكتەگى قالتا ۇرلىعى بيىل دا ازايماي تۇر. وبلىس ورتا­لى­عىن­دا قالتا ۇرىلارى بەلگىلى ءبىر مارشرۋتتاردا جانە جولاۋشىلار كوپ مىنەتىن مەزگىلدە جۇرەدى. وتكەن جىلى قالتا ۇرلىعىنا ماماندانعان 12 توپ ۇستالدى.

ءۇيدىڭ اۋلاسىنا قويىپ كەتكەن كولىكتەر دە ءجيى جوعالىپ جاتادى. بىلتىر اۆتوكولىكتەردى ۇرلايتىن 16 قىلمىستىق توپ قۇرىقتالدى. بۇل جەردە ادەتتە كوپقاباتتى ۇي­لەردىڭ اۋلاسىنا قويعان كولىك­تەر تۇندە قولدى بولىپ جاتادى. ەگەر يەلەرى كولىكتەرىن كۇزەتى­لەتىن تۇراقتارعا قويسا، وسى قىل­مىستىڭ جولى كەسىلەر ەدى. كو­لىك ۇرلىعىنىڭ ورىن الۋىنا قالا­داعى اۆتوكولىك تۇراقتارىنىڭ ازدىعى دا سەبەپشى.

قىلمىستاردىڭ الدىن الۋ مەن اشۋدا بەينەباقىلاۋ كامەرا­لا­رىنىڭ كومەگى وتە جوعارى. سونىڭ ءبىر مىسالى، وتكەن جىلى بەينەكامەرا كومەگىمەن 210 قىل­مىس اشىلسا، جول ەرەجەسىن بۇز­عان 14 مىڭ قۇقىقبۇزۋشىلىق تىركەلدى.

سونداي-اق وتكەن جىلى ىزدەۋدە جۇرگەن 90 قىلمىسكەر ۇستالىپ، 74 ءىز-ءتۇزسىز جوعالعان ازامات تابىلدى. ءجيى جوعالاتىندار، ۇيدەن سەبەپسىز كەتىپ قالاتىنداردىڭ اراسىندا جاسوسپىرىمدەر كوپ. ۇيلەرىنەن ءجيى كەتىپ قالۋدى ادەتكە اينالدىرعان بالالاردى جەدەل­دەتە تابۋعا ۆولونتەرلەر مەن قوعامدىق كومەكشىلەردىڭ جاردەمى زور. ول ءۇشىن پوليتسياعا شۇعىل حابار بەرۋ كەرەك. كوپ جاعدايدا جاسوسپىرىمدەردىڭ كەتىپ قالۋىنا ۇيدەگى جانجال، اتا-انا­لارىمەن اراداعى كەلىسپەۋ­شىلىكتەر، تۇرمىستىق جاعدايدىڭ قيىندىعى، مەكتەپتەگى الىمجەتتىك سەبەپ بولىپ جاتادى.

وتكەن جىلى ەسىرتكىنىڭ زاڭسىز اينالىمىنا قاتىستى 255 قىل­مىس­تىڭ جولى كەسىلدى. دالىرەك ايتقاندا، 50 ەسىرتكى ساتقان اق­تو­­­بەلىك قولعا تۇسكەن. ەسىرتكى سا­تۋ­­مەن تۇراقتى اينالىسقان جە­تى توپ ۇستالىپ، ولاردان 208 كگ ءتۇر­لى ەسىرتكى الىنىپ، ءبىر ەسىرت­­كى دا­يىندايتىن ورىن انىق­تال­دى. سينتەتيكالىق ەسىرتكى جاسوسپىرىمدەر اراسىندا تارالىپ جاتىر. وتكەن جىلى تاركىلەنگەن ەسىرتكى زاتتارىنىڭ ىشىندە 36 كيلوگراممى سينتەتيكالىق ەسىرت­كىلەر بولعان.

پوليتسيا باستىعى ورىنبا­سا­رىنىڭ حابارلاۋىنشا، اقتوبە وبلىسىندا 1 824 ادامنىڭ ەلى­مىزدىڭ كوشى-قون زاڭىن بۇزعانى انىقتالىپ، ولار اكىمشىلىك جاۋاپ­كەر­شىلىككە تارتىلدى. سونداي-اق اليمەنت تولەۋدەن جالتارعان نە قارىزدارىن تولەۋدەن قاشىپ جۇرگەن اقتوبەلىك 628 تۇرعىننىڭ مەكەنجايى انىقتالدى.

وتكەن جىلى كوشەدە، قوعام­دىق ورىندار مەن ويىن-ساۋىق ورىندارىندا­ قىلمىستىڭ ازايۋى­­نا پاندەمياعا بايلانىس­تى شەكتەۋ شارالارى اسەر ەتكەنى انىق.

 

اقتوبە وبلىسى

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار