پرەزيدەنت ۇسىناتىن جاڭا رەفورمالارىن كۇزدى كۇتىپ وتىرماي-اق ناۋرىز ايىنىڭ ورتاسىنا جوسپارلانعان حالىققا جولداۋىندا ايتاتىنىن جەتكىزدى.
«مەن باستاپقىدا جاڭا ساياسي رەفورمالاردى كۇزدە جاريالايمىن دەپ ويلاعام, بىراق ساياسي رەفورمالاردى ناۋرىزدىڭ ورتاسىندا حالىققا جولداۋىمدا ۇسىناتىن بولدىم. قازىرگى تاڭدا جۇرت رەفورمالاردى زور ۇمىتپەن كۇتىپ وتىرعانىن بىلەمىن. سوندىقتان, «جاڭا قازاقستاندى بىرگە قۇرايىق» دەپ ۇندەۋ جولدادىم. وندا ايتىلعان ماسەلەلەردى كوپشىلىك قولداپ وتىر», دەدى قاسىم-جومارت توقاەۆ.
مەملەكەت باسشىسى كەز كەلگەن قيىندىقتىڭ ارتىندا ۇلكەن مۇمكىندىكتەر تۇرعانىن ايتىپ, قازاقستاندىقتاردى وتانىمىزدى وركەندەتۋگە شاقىردى.
قىتاي تىلىندەگى «داعدارىس» دەگەن ءسوزدىڭ «جاڭا مۇمكىندىكتەر» دەگەن ماعىناسى بار. وسى رەتتە ءبىز دە كۇش-قۋاتىمىزدى وتانىمىزدى وركەندەتۋگە جۇمسايىق.
«ارينە, ازاماتتىق قوعاممەن, دەربەس ساراپشىلارمەن اۋقىمدى ديالوگ جۇرگىزۋ كەرەك. ويتكەنى, حالىقتىڭ پىكىرى وتە ماڭىزدى. مەن «ادامدار مەملەكەت ءۇشىن ەمەس, مەملەكەت ادامدار ءۇشىن» دەگەن ۇستانىمدى جاريالادىم. وسىعان بايلانىستى ۇكىمەتكە ءتيىستى ۇسىنىستار دايىنداۋدى تاپسىردىم», دەدى ول.
