كورگەن جۇرتتىڭ بارلىعى بالاپاندارى ءۇشىن بارىن سالىپ جۇرگەن اكەگە جاقسى تىلەكتەرىن جازىپ قالدىرىپتى. بەلگىلى شوۋمەن, بلوگەر اسىلحان دۇكەنباەۆ الەۋمەتتىك جەلىدە اقشا جيناپ, قوڭىر تىرشىلىگىنە قاناعات قىلعان جانعا كولىك اپەرۋ تۋرالى باستاما كوتەرگەندە ەلدىڭ كوبى قولداپ الا جونەلدى.
ءۇش كۇننىڭ ىشىندە 8 ميلليون تەڭگەگە جۋىق قارجى جينالىپتى. قاسيەتتى جۇما كۇنىندە قالاداعى ورتالىق مەشىتتىڭ اۋلاسىندا تاسبوگەتتىك قانات ەسىمدى ازاماتقا سۋ جاڭا كولىك تابىس ەتىلدى.
باستامانى ۇيىمداستىرۋشىلاردىڭ ايتۋىنشا, جۇرت اقشا جيناي باستاعاندا ۆيدەونى كورگەن شىمكەنتتىك ءبىر ازامات جەرلەسىمىزگە تەمىر تۇلپار مىنگىزگىسى كەلەتىنىن ءبىلدىرىپتى. جەرگىلىكتى بلوگەر وسىدان كەيىن تۇراقتى باسپاناسى جوق وتباسىنا ءۇي الىپ بەرۋ جايلى ويعا ويىسقانىن ايتادى. الايدا اسەرلى ۆيدەو كەيىپكەرى كولىك سىيلايمىن دەپ نيەت قىلعان شىمكەنتتىك ازاماتقا العىسىن جەتكىزىپ, كوپشىلىكتەن اقشاسىنا تۇسكەن كولىكتىڭ ىڭعايى بولسا, سونى ءۇي العانداي كورەتىنىن ايتىپتى.
كولىك ساتىپ الۋدان ارتىلعان قارجى دا كوپ الدىندا قاناتقا تابىس ەتىلدى. كولىكتى بولعان ازامات پەن اناسى قامقورلىق تانىتقان جەرلەستەرگە ريزاشىلىقتارىن جەتكىزدى.
قازىرگىدەي زاماندا اينالاڭدا نيەت-تىلەگى ءتۇزۋ ادامداردىڭ جۇرگەنى جانىڭا جىلۋلىق ۇيالاتادى, ءا...
قىزىلوردا
