اتالعان جارىس 1973 جىلدان بەرى ۇزدىكسىز ۇيىمداستىرىلىپ كەلەدى. تۇساۋكەسەر تۋرنير يۋگوسلاۆيانىڭ استاناسى – بەلگرادتا وتكەن ەدى. سودان بەرى الەمدىك دودانىڭ جالاۋى 18 مارتە جەلبىرەدى. سول باسەكەلەردىڭ جالپىكوماندالىق ەسەبىندە 13 رەت اقش قۇراماسى الدىنا جان سالمادى. ءۇش مارتە قىتاي ورەندەرىنىڭ اسىعى الشىسىنان تۇسسە, گدر مەن اۋستراليانىڭ ورەندەرى ءبىر-ءبىر رەتتەن تەڭدەسسىز دەپ تانىلدى. سوڭعى جارىس 2019 جىلى وڭتۇستىك كورەيانىڭ كۆاندجۋ قالاسىندا ءوتتى. بۇل تارتىس قىتاي سپورتشىلارىنىڭ جەڭىسىمەن اياقتالدى.
اتالعان جارىستا باسەكەلەر التى سپورت ءتۇرى بويىنشا وتەدى. ولار – ءجۇزۋ, اشىق سۋدا ءجۇزۋ, سينحروندى ءجۇزۋ, سۋعا سەكىرۋ, حاي-دايۆينگ جانە ۆاتەرپول.
