جەرلەسىمىز برازيليالىق سيلۆا دە اندرادە دۋگلاسپەن كۇش سىناسادى. 36 جاستاعى وڭتۇستىك امەريكا وكىلى سپورتتىڭ بۇل تۇرىمەن 2010 جىلدان بەرى شۇعىلدانادى. ءوز ەلىندە وتكەن جارىستاردا قاتارىنان 22 رەت جەڭىسكە جەتكەن جىگىت 2014 جىلى UFC-گە شاقىرتۋ العان. وكتاگوندا بارلىعى 31 كەزدەسۋ وتكىزىپ, 27 مارتە جەڭىس تويىن تويلادى. 21 باسەكەدە ايقىن باسىمدىق تانىتتى. ول تەك زۋبايرا تۋحۋگوۆ, روب فونت, پەتر يان جانە لەرون مەرفي سىندى ساڭلاقتاردان ۇتىلدى. قالعان كەزدەسۋلەردىڭ شەشىمىن تورەشىلەر شىعاردى. ال 32 جاستاعى سەرگەي موروزوۆتىڭ كاسىپقويلار اراسىندا ونەر كورسەتىپ جۇرگەنىنە ءتورت جىلعا جۋىقتادى. بارلىعى 22 رەت ايقاس الاڭىنا شىققان ونىڭ 17 رەت مەرەيى ۇستەم بولدى. 9 باسەكەدە ايقىن جەڭىسكە قول جەتكىزدى. سەرگەي UFC-دە ەكى كەزدەسۋ وتكىزىپ, العاشقىسىندا ۇتىلسا, ەكىنشىسىندە جەڭىسكە جەتتى.
حيۋستونداعى ءتۋرنيردىڭ باستى جەكپە-جەگى جاڭا زەلانديانىڭ وكىلى يسراەل ادەسانيا مەن اۋستراليانىڭ مىقتىسى روبەرت ۋيتتاكەر اراسىندا وتەدى. قوس ساڭلاق ورتا سالماقتىڭ چەمپيوندىق بەلبەۋىن ءوزارا ساراپقا سالادى.
