قۇرمەتتى قازاقستاندىقتار!

قىمباتتى وتانداستار! بارشاڭىزدى ۇلىستىڭ ۇلى كۇنى – ناۋرىز مەرەكەسىمەن شىن جۇرەكتەن قۇتتىقتايمىز! جاڭارۋ مەن جاراسىمدى ىنتىماقتىڭ, ەڭسەسى بيىك ەلدىكتىڭ, ىرگەسى سوگىلمەس بىرلىكتىڭ, ىرىس پەن مولشىلىقتىڭ ارقاۋى بولعان ءاز ناۋرىز ءار شاڭىراققا شاتتىق پەن قۋانىش اكەلسىن! ناۋرىز – سوناۋ كونە زاماننان تامىرىن تارتقان, تاريحي مازمۇنى تەرەڭ, الەۋمەتتىك-رۋحاني ءمانى مەن ماڭىزى زور مەيرام. وسى قاسيەتتى مەرەكەنىڭ ءار ساتىنەن ۇلتىمىزدىڭ بولمىسىن, سالت-ءداستۇرىمىزدىڭ ايقىن ناقىشىن كورەمىز. جاقسىلىقتىڭ جارشىسىنداي بولعان اتاۋلى كۇندى حالقىمىز اق تىلەۋدىڭ, پاك پەيىلدىڭ نىشانى رەتىندە قابىلدايدى. «قازاقستان-2050» ستراتە­گيا­سىنىڭ نەگىزگى ءمانى – بارشا وتان­داس­تارىمىزدىڭ ءال-اۋقاتىنىڭ جىل سايىن ۇدايى ارتۋى دەپ ەلباسى نۇرسۇلتان ءابىش ۇلى نازارباەۆ ايت­قانداي, كەلىپ جەتكەن جاڭا جىل ايتۋلى ناتيجە مەن اۋقىمدى جەتىس­تىكتەرگە تولسىن! ۇلىستىڭ ۇلى كۇنى ەلىمىزگە, جەرىمىزگە قۇت-بەرەكە اكەلىپ, ىزگىلىكتى ىستەر مەن اسقارالى ارماندارعا باستاسىن! تاۋەلسىزدىگىمىز تۇعىرلى, ەگەمەندىگىمىز ەڭسەلى بولسىن! «نۇر وتان» پارتياسىنىڭ ساياسي كەڭەسى.