ەرلەر اراسىنداعى ەلىمىزدىڭ ءبىرىنشى راكەتكاسى, الەمدىك رەيتينگتە 35-ورىندا تۇرعان الەكساندر بۋبليك گاەل مونفيسپەن كۇش سىناستى. 35 جاستاعى فرانتسيالىق ويىنشى كەزىندە رولان گارروس پەن اقش-تىڭ اشىق بىرىنشىلىگىنىڭ جارتىلاي فينالىندا ويناعان. اتر جارىستارىندا التى رەت باس جۇلدەنى ولجالادى. قازىرگى كەزدە ول ۇزدىكتەر تىزىمىندە 19-ورىندا تۇر. بۇل باسەكەدە ءمونفيستىڭ ۇستەمدىگى ەش كۇمان تۋعىزعان جوق – 6:1, 6:0, 6:4.
ەلەنا رىباكينا دا ءوز جانكۇيەرلەرىن قۋانتا المادى. الەمنىڭ 12-راكەتكاسى ەكىنشى اينالىمدا WTA رەيتينگىندە 76-ورىندا تۇرعان چجان شۋايمەن شەبەرلىك بايقاسىپ, العاشقى سەتتە قىتايلىق قىز جەڭىسكە جەتسە, ەكىنشى سەت باستالعان بەتتە رىباكينا جاراقاتىنا بايلانىستى باسەكەنى جالعاستىرۋدان باس تارتتى.
