سپورت • 20 قاڭتار، 2022

بالتىق جاعالاۋىنداعى باسەكە

63 رەت كورسەتىلدى

كەشە ەستونيانىڭ استاناسى – تال­ليندە مانەرلەپ سىرعاناۋدان ء«تورت قۇرلىق چەمپيوناتىنىڭ» جالاۋى جەلبىرەدى.

اتالعان جارىستىڭ تۇساۋى 1999 جىلى كەسىلگەن ەدى. سول كەزدە امەريكا، ازيا، افريكا جانە مۇحيت جاعالاۋى ەلدەرىنىڭ وكىلدەرى ءوزارا شەبەرلىك بايقاسىپ، ۇزدىكتەردى انىقتادى. كانادانىڭ گاليفاكس قالاسىندا شىمىلدىعى تۇرىلگەن العاشقى ءتۋرنيردىڭ ەرلەر سايىسىندا جاپونيالىق تاكەسي حوندا توپ جارسا، ايەلدەر اراسىندا وزبەكستاندىق تاتيانا مالينينانىڭ مەرەيى ۇستەم بولدى. بۇل دودادا قازاقستاننىڭ سپورتشىلارى ەكى مارتە جەڭىس تۇعىرىنا كوتەرىلدى. اتاپ ايتساق، 2015 جىلى دەنيس تەن توپ جاردى. ول امەريكالىق دجوشۋا فارريس پەن قىتايلىق يان ءحاندى ارتقا تاستاپ، باس جۇلدەنى ولجالادى. 2019 جىلى اناحايمدا ەليزابەت تۇرسىنباەۆا كۇمىس مەدالدى موينىنا ءىلدى. قازاق قىزى جاپونيانىڭ جۇلدىزى ريكا كيحارادان عانا قالىپ قويدى.

بالتىق جاعالاۋىندا ءوتىپ جاتقان جارىس­تا قازاقستان نامىسىن ميحايل شايدوروۆ پەن دياس جيرەنتاەۆ قورعايدى.

سوڭعى جاڭالىقتار

ۇقساس جاڭالىقتار