قىسقى سپورت • 20 قاڭتار، 2022

ىرىكتەۋ جارىستارى اياقتالدى

39 رەت كورسەتىلدى

كەلەسى ايدا بەيجىڭدە الاۋى تۇتا­ناتىن وليمپيا ويىندارىنىڭ بارلىق ىرىكتەۋ جانە رەيتينگتىك سايىستارى اياقتالىپ، جولدامالاردىڭ باسىم بولىگى ۇلەستىرىلدى، دەپ حابارلادى Olympic.kz سايتى.

اتالعان دودالاردىڭ قورىتىندىسى بويىنشا قازاقستاننىڭ ورەندەرى سپورتتىڭ 8 تۇرىنەن 82 جولداماعا قول جەتكىزدى. تارقاتىپ ايتساق، شاڭعى جارىسى بويىنشا قورجىندا 30 جولداما بار. فريستايلشىلار توعىز جولداماعا يەلىك ەتتى. سونىڭ ىشىندە موگۋل بويىنشا – بەس، اكروباتيكادان ءتورت ليتسەنزيا ەنشىلەدىك. كونكيشىلەر مەن بياتلونشىلار – 12، شورت-ترەكشىلەر – توعىز، تاۋ شاڭعىشىلارى مەن شاڭعىمەن تۇعىردان سەكىرۋشىلەر – ءتورت جانە شاڭعى قوسسايىسشىلارى ەكى جولدامانى قالتاعا باستى.

قازىرگى كەزدە ەلىمىزدىڭ وليمپيادالىق قۇراماسى ساپىنا 32 سپورتشى ەنىپ وتىر. وسى ورايدا بۇل ەڭ سوڭعى ءارى ناقتى سان ەمەس ەكەنىن ايتا كەتۋگە ءتيىسپىز. ويتكەنى ۇوك كەيبىر سپورت تۇرلەرىنەن حالىقارالىق فەدەراتسيالاردىڭ ليتسەنزيالاردى قايتا ءبولۋ جانە ۇلەستىرۋ ناتيجەلەرىن كۇتۋدە.

سوڭعى جاڭالىقتار

ۇقساس جاڭالىقتار