اتالعان جەكپە-جەكتە جەڭىسكە جەتكەن بوكسشى ىۆع نۇسقاسى بويىنشا ەكىنشى ورتا سالماقتىڭ چەمپيوندىق بەلبەۋى ءۇشىن تالاسۋعا مۇمكىندىك الاتىن ەدى. الايدا قانداسىمىز كوروناۆيرۋس جۇقتىرىپ الىپ, ول كەزدەسۋ وتپەي قالدى. قازىر ەربوسىن ۇلىنىڭ كومانداسى كۋبالىق دەۆيد موررەلمەن كەلىسسوز جۇرگىزۋدە. 81 كيلو سالماقتا ونەر كورسەتكەن بوستاندىق ارالىنىڭ وكىلى 2016 جىلى جاستار اراسىندا الەم چەمپيونى اتانىپ, ەرەسەكتەردىڭ ەل بىرىنشىلىگىندە كۇمىس مەدالدى موينىنا ءىلدى. ەسەسىنە كەلەسى جىلى كۋبا چەمپيوناتىندا قارسىلاس شاق كەلتىرمەي, باس جۇلدەنى ولجالادى. 2019 جىلدان بەرى كاسىپقويلار اراسىندا جۇدىرىقتاسىپ ءجۇر. سول ارالىقتا التى كەزدەسۋ وتكىزىپ, بارلىعىندا جەڭىسكە جەتتى. 23 جاستاعى كۋبالىق قابىلان قازىرگى كەزدە WBO نۇسقاسىنىڭ التىن بەلبەۋ يەگەرى.
30 جاستاعى ايدوس ەربوسىن ۇلى كاسىپقويلار اراسىندا كۇش سىناسىپ جۇرگەنىنە التى جىلدان استى. سول ارالىقتا 16 رەت رينگكە شىققان قازاق بوكسشىسى بارلىق باسەكەنى ءوز پايداسىنا شەشىپ, 11 قارسىلاسىن ەسىنەن تاندىردى.
