ورتا سالماقتا كۇش سىناسىپ جۇرگەن جانىبەك ءتورتىنشى ورىنعا تۇراقتادى. قازىرگى كەزدە بارشا جانكۇيەر ونىڭ امەريكالىق دەمەتريۋس اندرادەمەن جۇدىرىقتاسقانىن تاعاتسىزدانا كۇتۋدە. ەگەر ءالىمحان ۇلى جەڭىسكە جەتسە, WBO نۇسقاسى بويىنشا الەم چەمپيونى اتانىپ قانا قويماي, باسقا تۇجىرىمداردىڭ رەيتينگىندە دە بىرنەشە ساتىعا جوعارىلايدى. ءدال وسى سالماقتاعى مەيىرىم نۇرسۇلتانوۆ جانە ەكىنشى ورتا سالماقتاعى ايدوس ەربوسىن ۇلى 17-ورىندى ەنشىلەۋدە. قوس قانداسىمىز دا ازىرگە جەڭىلىستىڭ كەرمەك ءدامىن تاتقان ەمەس. مەيىرىم 15 مارتە رينگكە كوتەرىلىپ, سەگىز رەت ايقىن باسىمدىق تانىتسا, ايدوس 16 رەت جەڭىسكە جەتىپ, 11 قارسىلاسىن ەسىنەن تاندىردى.
وزگە وتانداستارىمىز WBC رەيتينگىندە مىناداي ورىنداردى يەلەنۋدە: جان كوسوبۋتسكي – 19, دانيار ەلەۋسىنوۆ پەن سادريددين احمەدوۆ – 20, ءالي احمەدوۆ – 21, باتىر جۇكەنباەۆ – 22, قامشىبەك قوڭقاباەۆ – 32 جانە رۋسلان ماديەۆ – 39-ورىن.
