قىسقى سپورت • 18 قاڭتار، 2022

تۇڭعىش رەت قاتىسادى

53 رەت كورسەتىلدى

4-20 اقپان ارالىعىندا قىتايدىڭ باس شاھارى – بەيجىڭدە وتەتىن قىسقى وليم­پيا ويىندارىنا ساۋد ارابياسى قۇ­را­ماسى تۇڭعىش رەت قاتىسقالى وتىر.

ءدال قازىرگى كەزدە اتالعان مەملەكەتتىڭ ەكى سپورتشىسى عالامدىق دوداعا دايارلانۋدا. ولار – سالمان ءال-حۋۆايش مەن فايەك ابدي. ەكەۋى دە تاۋ شاڭعىسىنان وتكەن جارىستاردا قاجەتتى ۇپايلارعا يەلىك ەتىپ، جولدامانى قالتاعا باستى. وسىلايشا، جوعارىدا ەسىمدەرى اتالعان ەكى سپورتشىنىڭ ەسىمى اق وليمپياداعا قاتىسقان ساۋد ارابياسىنىڭ تۇڭعىش ازاماتتارى رەتىندە تاريحتا قالماق.

ال جازعى ويىندارعا ساۋديالىقتار 1972 جىلدان بەرى قاتىسىپ كەلەدى. سول ارالىقتا ءتورت جۇلدەگە قول جەتكىزدى. اتاپ ايتساق، 2000 جىلى سيدنەيدە الاۋى تۇتانعان وليمپيادادا 400 مەترگە كەدەرگىلەر ارقىلى جۇگىرگەن جەڭىل اتلەت حادي ءال-سومايلي كۇمىس مەدالدى موينىنا ىلسە، ات سپورتىنان حامەد ءال-ەيد قولاعا قول سوزدى. 2012 جىلى لوندوندا سول ەلدىڭ ۇلتتىق قۇراماسى ات سپورتىنىڭ كوماندالىق سايىسىندا ءۇشىنشى ورىنعا تابان تىرەسە، 2020 جىلى توكيودا كاراتەشى تاريك حامەدي ەكىنشى ورىندى يەلەندى.

سوڭعى جاڭالىقتار

ۇقساس جاڭالىقتار