فۋتبول • 17 قاڭتار، 2022

ۆاگنەر لاۆ دانيادا وينايدى

49 رەت كورسەتىلدى

ءبىر جارىم جىلداي الماتىنىڭ «قاي­راتى» ساپىندا ونەر كورسەتكەن برا­زيليالىق فۋتبولشى ۆاگنەر لاۆ كە­لەسى ماۋسىمدى دانيا چەمپيوناتىندا وتكىزەدى.

37 جاستاعى ريو-دە-جانەيرونىڭ تۋماسى سپورتتىق كارەراسىن ءوز وتانىندا باس­تادى. اسىرەسە ونىڭ «پالمەيراس» پەن «فلامەنگودا» ويناعان كەزدەرى جانكۇيەر­لەردىڭ جادىندا. 2004-2008 جىلدارى لاۆ ماسكەۋدىڭ تسسكا كلۋبىنىڭ ساپىندا جاسىنداي جارقىلدادى. كەيىننەن قىتاي، فرانتسيا، تۇركيا جانە برازيليادا ونەر كورسەتتى. سان مارتە سول چەمپيوناتتاردا توپىرلاتىپ گول سوعىپ، ەڭ ۇزدىك سۇرمەرگەنگە تيەسىلى ارنايى سىيلىقتاردى يەلەندى. 2020-2021 جىلدارى «قايراتتىڭ» جەيدەسىن كيدى. وسى ورايدا 30 رەت الاڭعا شىعىپ، 14 رەت نىسانانى ءدال كوزدەدى. 2020 جىلى قازاقستان چەمپيونى بولۋمەن قاتار، ەل بىرىنشىلىگىنىڭ ەڭ ۇزدىك فۋتبولشىسى دەپ تانىلدى. ءوز ەلىنىڭ ۇلتتىق قۇراما كومانداسى ساپىندا 20 رەت جاسىل الاڭعا شىعىپ، 4 گولدىڭ اۆتورى اتاندى.

ەندى ۆاگنەر لاۆ دانيا چەمپيوناتىندا حەرنينگتىڭ «ميدتيۋللاند» كلۋبىنىڭ نامىسىن قورعايدى. بۇل كوماندا قازىرگى كەزدە جارىس كەستەسىندە جەكە-دارا كوش باستاپ تۇر. سونداي-اق ولار بيىل ءوز تاريحىندا العاش رەت چەمپيوندار ليگاسىنىڭ توپتىق كەزەڭىنە جولداما الىپ وتىر.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار