پوليتسيا پولكوۆنيگى جۇرگىزۋشى كۋالىگىنەن ايىرىلدى

پەتروپاۆل قالالىق سوتى ماس كۇيىندە كولىك جۇرگىزىپ, جول اپاتىنىڭ ورىن الۋىنا سەبەپكەر بولعان پوليتسيا پولكوۆنيگى ۆلاديمير زيبوروۆتى 9 ايعا جۇرگىزۋشى كۋالىگىنەن ايىردى. بۇل تۋرالى Remarka.kz حابارلادى. «سولتۇستىك قازاقستان وبلىسى ىشكى ىستەر دەپارتامەنتى تىلداعى قامتاماسىز ەتۋ ءبولىمىنىڭ بۇرىنعى باسشىسى ۆلاديمير زيبوروۆقا 9 ايعا جۇرگىزۋشى كۋالىگىنەن ايىرۋ جازاسى تاعايىندالدى», – دەلىنگەن پەتروپاۆل قالالىق اكىمشىلىك سوتىنىڭ سۋدياسى الەنا دەۆياتكينانىڭ قابىلداعان شەشىمىندە. سوت پروتسەسىنە ۆلاديمير زيبوروۆتىڭ ءوزى قاتىسقان جوق. تەك جول اپاتىنان زارداپ شەككەن ازاماتتار عانا كەلدى. ەستەرىڭىزگە سالا كەتەيىك, بۇرىنعى پوليتسيا پولكوۆنيگى ماس كۇيىندە ءوز يەلىگىندەگى «Chevrolet Niva» كولىگىمەن «Toyota» مەن «Mitsubishi Pajero» ماركالى اۆتوكولىكتەرىنە سوققان. ءارى ول جولاۋشىلار اۆتوبۋسىن دا سوعىپ وتكەن ەكەن. وقيعا ورنىندا بولعان كۋاگەرلەر ماس پولكوۆنيكتىڭ اياعىن نىق باسا الماي تۇرعان ءساتىن بەينەكامەرالارعا ءتۇسىرىپ العان. كەيىن بۇل بەينەباياندار ينتەرنەتكە تارادى. ايدار ورىسباەۆ. دەرەككوز: Remarka.kz. فوتو: Total.kz.