فۋتبول: قازاقستان جاستار قۇراماسى جەڭىسكە جەتتى

قازاقستان قۇراماسى 2015 جىلى جاستار اراسىندا وتەتىن ەۋروپا چەمپيوناتىنىڭ ىرىكتەۋ تۋرنيرىندە يسلانديانى قابىلداپ, 3:2 ەسەبىمەن جەڭىسكە جەتتى. بۇل تۋرالى قازاقستان فۋتبول فەدەراتسياسى حابارلادى. بۇل كەزدەسۋ تارتىستى جانە قىزىقتى ءوتتى. ويىننىڭ العاشقى مينۋتتارىندا الاڭ يەلەرى ءبىر گول سوعۋعا مۇمكىندىك الدى. 7 مينۋت ارالىقتا توقتار جاڭعىلىشباي قوناقتار قاقپاشىسىنىڭ قاتەلىگىن پايدالانىپ, ستانيسلاۆ لۋنينگە پاس بەردى. وسى كەزدە ەشكىمنىڭ قاراۋىنسىز قالعان قازاقستاندىق ويىنشى بوس قاقپاعا گول سوقتى.  سودان كەيىن بەس مينۋت وتكەندە رومان مۇرتازاەۆ دوپتى تاعى دا تورعا ءدال باعىتتادى. ءبىرىنشى تايم وسىلاي 2:0 ەسەبىمەن اياقتالدى. ال ماتچتىڭ ەكىنشى جارتىسىندا الاڭ يەلەرى «بەلدىكتەرىن» بوساتىپ ويناعاندا قوناقتار ەكى بىردەي دوپ سوعۋعا مۇمكىندىك الدى. وسى كەزدە ءبىزدىڭ قۇراما قايتا شابۋىلعا كوشتى. سونىڭ ناتيجەسىندە ماتچتىڭ 90-مينۋتىندا يسلامبەك قۋاتتىڭ الىستان تەپكەن دوبى قازاقستان قۇراماسىنا جەڭىس سىيلادى. كەزدەسۋدە يسلانديا كومانداسىندا حولمبەرت فريدونسسون مەن يورتيۋر حەرماننسسون ءبىر-ءبىر دوپتىڭ اۆتورى اتاندى. داستان كەنجالين. دەرەككوز: http://kazsporttv.kz