استرونومدار ەرەكشە جۇلدىزدى سۋرەتكە ءتۇسىرىپ الدى

«حاببل» تەلەسكوپىنىڭ مالىمەتتەرىمەن جۇمىس ىستەيتىن استرونومدار ەرەكشە جۇلدىزدار اعىنىن سۋرەتكە ءتۇسىرىپ الدى. بۇل تۋرالى «حابار» تەلەارناسى حابارلادى. «كوگىلدىر ءتۇستى جۇلدىزدار گالاكتيكا كەڭىستىگىنەن ءبولىنىپ, تومەن قاراي جىلجىپ بارا جاتقان ءتارىزدى», – دەيدى عالىمدار. ادەتتە مۇنداي قۇبىلىس اسپان دەنەلەرىنىڭ ءبىر-بىرىمەن ۇيكەلىسىپ, قانداي دا ءبىر كۇش ءتۇسىرۋ كەزىندە پايدا بولادى ەكەن. «دەمەك, شيىرشىقتى گالاكتيكا ءوزى ورنالاسقان ورتانىڭ ىشىندە جوعارى جىلدامدىقپەن جىلجىعان بولۋى ىقتيمال», دەپ ءتۇسىندىردى استرونومدار. ياعني, بۇل ەكەۋى ءوزارا ۇيكەلىسكەن كەزدە جۇلدىزدار شوعىرى گالاكتيكاعا كۇش ءتۇسىرىپ, گازىن جويىپ جىبەرگەن. سول سەبەپتى, گازدان ايىرىلعان گالاكتيكا «السىرەيدى». ال ەكى ءتۇرلى اسپان دەنەسىنە تيەسىلى جۇلدىزدار ءبىر-بىرىمەن سوقتىعىسسا, كەرىسىنشە, قايتا جاندانىپ, «شىرايلانا» تۇسەدى ەكەن. جالپى, مۇنداي زەرتتەۋلەر گالاكتيكالاردىڭ قانشالىقتى ومىرشەڭ ەكەندىگىن انىقتاۋعا باعىتتالاتىن كورىنەدى. دەرەككوز: Khabar.kz. فوتو: Salon.su.