تاعى دا «ا» كورپۋسى تۋرالى

«ەگەمەن قازاقستان» گازەتىنىڭ بيىلعى 18 اقپان كۇنگى نومىرىندە جۋرناليست  تەمىر قۇسايىننىڭ «زاڭدى جاتتاپ العانىمەن...» اتتى تالداۋ ماقالاسى جاريالانعان بولاتىن. مۇندا اۆتور وتكەن جىلى «ا» كورپۋسىنا كادرلار رەزەرۆىنەن تاعايىندالعان كەيبىر لاۋازىمدى تۇلعالاردىڭ بۇگىنگى ءىس-قيمىلدارى مەن قىزمەت بارىسى, مەملەكەتتىك قىزمەت ەتيكاسىمەن سىيىسا بەرمەيتىن قىلىقتارى جونىندە ءوزىنىڭ ۇققان-تۇيگەن جۋرناليستىك پايىمداۋلارى مەن كوزقاراس­تارىن گازەت وقىرماندارىنىڭ نازارىنا ۇسىندى. ەلىمىزدىڭ  باس باسىلىمى كوتەرگەن وسى كوكەيكەستى دە وزەكتى ماسەلە ورال وڭىرىندەگى مەملەكەتتىك قىزمەتشىلەر مەن ساراپشى ماماندار اراسىندا ۇلكەن قىزىعۋشىلىق تۋعىزدى. اتالعان ساراپتامالىق دۇنيەگە قاتىستى ايماقتا ءارتۇرلى ۇسىنىس-پىكىرلەر مەن تىلەكتەر ايتىلدى. بۇعان بايلانىستى كەڭەس قوسقاندار دا كوپ بولدى. وسى ارادا مەملەكەتتىك قىزمەت ىستەرى اگەنتتىگى توراعاسى ءاليحان بايمەنوۆ گازەتتىڭ شىعارماشىلىق ۇجىمىنا جانە ماقالا اۆتورىنا جازباشا تۇردە ريزاشىلىق بىلدىرگەنىن دە ايتا كەتكەندى ءجون كورەمىن. سونداي-اق, «ەگەمەندە» جا­ريا­­لانعان بۇگىنگى كۇن تاقى­رىبىنا ەگجەي-تەگجەيلى توقتال­عان ساراپتاماعا قاتىستى پىكىر­تالاستار ءالى كۇنگە دەيىن تولاستاماي كەلەدى. مۇنىڭ ءوزى «ا» كورپۋسى قۇرامىنا كىرەتىن لاۋازىمدى قىزمەتتى اتقارىپ جۇرگەندەرگە ءوز ىستەرىنە سىن كوزبەن ءارى ۇلكەن جاۋاپكەرشىلىكپەن قاراۋلارىنا ءوز ىقپالىن تيگىزەدى دەپ سەنگىمىز كەلەدى. اتالعان گازەت ماتەريالى ءبىزدىڭ دەپارتامەنت ۇجىمىندا دا جان-جاقتى تالقىلانىپ, ارىپتەستەرىمىز ءبىر-بىرىمەن ءوزارا وي ءبولىستى. ءبىزدىڭ ويىمىزشا, الداعى كەزدە زاڭدى جاتتاپ الساڭ بولعانى, «ا» كورپۋسى قۇرامىنا كىرەتىن قىزمەت ورىندارىنا ەمىن-ەر­كىن جايعاسىپ ورنالاسۋعا بولادى ەكەن دەگەن تەرىس ۇعىم مەن ءتۇ­سىنىك قالىپتاسپاۋى كەرەك. البەتتە, زاڭداردى جاتتاپ الۋ­دىڭ ەشقانداي قاجەتى دە, قيسى­نى دا جوق. ونى جۇرەكپەن قابىل­داپ, ۇعىنۋ مەن ءتۇسىنۋ كەرەك. تەك سوندا عانا زاڭداردى كۇندەلىكتى قىزمەت بارىسىندا دۇرىس قولدانۋعا بولادى. وسى كوزقاراستىڭ ايقىندىعىن ءومىردىڭ ءوزى دە دالەلدەپ كەلەدى. تالاس جوق, «ا» كورپۋسىنا قاتىستى وتكىزىلگەن كونكۋرستا وعان نەگىزىنەن لايىقتىلار وتكەنى كامىل. ويتكەنى, ولار سىننان ءسۇ­­رىن­بەۋ ءۇشىن بىرنەشە ىرىكتەۋ ساتىلارىن ارتقا تاستادى. سونىڭ ەڭ باستىسى ەلباسى جارلىعىمەن قۇرىلعان كادر ساياساتى جونىندەگى ۇلتتىق كوميسسيا ەكەنى بەلگىلى. بۇعان قوسا وڭىرلەردەگى كادرلىق كوميسسيالار دا ءوز جۇمىستارىنا جاۋاپكەرشىلىكپەن قاراي ءبىلدى. وسىنداي اڭگىمەلەسۋ ساتىلارىنان وتكەندەرگە سىن تاعۋ قيىن-اق. ولاردىڭ اراسىندا حالىقپەن قويان-قولتىق جۇمىس ىستەي ءبىلۋ داعدىلارىن مەڭگەرگەندەر دە جەتكىلىكتى. ارينە, تەوريالىق ازىرلىكتەرى جەتكىلىكتى بولعا­نىمەن, تاجىريبەسى كەمشىن سوعىپ جاتقان كادرلار دا جوق ەمەس. بۇل جونىندە ماقالا اۆتورى ورىندى ماسەلە قوزعاعان. كونكۋرستىق ىرىكتەۋدىڭ ءبى­رىنشى ساتىسى كەزىندە زاڭدارعا قوسا لوگيكالىق ويلاۋ قابىلەتى مەن جەكە باسقارۋشىلىق قۇ­زى­رەت­تىلىك دەڭگەيىن انىقتايتىن سى­ناقتاردى دا قوسا تاپسىردى. بۇگىنگى تاڭدا «ا» كورپۋسى اكىمشىلىك لاۋازىمدارىنا قويىلاتىن ارنايى بىلىكتىلىك تالاپتارى جانە ولارعا روتاتسيا جۇرگىزۋ قاعيدالارى رەسپۋبليكا پرەزيدەنتى ن.ءا.نازارباەۆتىڭ جارلىقتارىمەن بەكىتىلىپ, سوعان سايكەس الداعى كەزدە تەست باع­دارلاماسىنا وزگەرىستەر ەنگىزۋ كوزدەلىپ وتىر. ەلباسىنىڭ ساياسي كۇش-ءجى­گەرى ارقاسىندا وتكەن جىلى ەلى­مىزدە العاشقى رەت وتكىزىلگەن باس­قارۋشىلىق دەڭگەيدەگى مەم­لەكەتتىك قىزمەتشىلەردىڭ ارا­سىنداعى كونكۋرس جالپى مەم­لەكەتتىك قىزمەتتىڭ قازاق­ستان­دىق جاڭا مودەلى تمد ەلدەرى, سونىڭ ىشىندە رەسەيلىك عالىمدار اراسىندا ۇلكەن قىزىعۋشىلىعىن تۋعىزعانىن دا ينتەرنەت كوزدەرى مەن اقپارات بەتتەرى ارقىلى تا­نىسىپ ءجۇرمىز. استانادا مەم­­لە­كەتتىك قىزمەت سالاسىندا ءوڭىر­لىك حابتىڭ قۇرىلۋى دا سالا­داعى ىسكە جاڭاشا سەرپىن بەر­مەك. ويتكەنى, وسى ارقىلى مەم­­لەكەتتىك قىزمەتكە قاتىستى اقپا­راتتاردى تالداپ تاراتۋعا بولادى. ماقالادا كورسەتىلگەندەي, «ا» كورپۋسىنداعى كادرلىق رەزەرۆ قۇرامى ۇدايى جاڭارتىلىپ, جاڭعىرىپ وتىراتىنى تابيعي قۇبىلىس. وسى جايتتى نازارعا الا وتىرىپ قازىرگى تاڭدا قىز­مەت اتقارىپ جۇرگەن لاۋازىم­دى تۇلعالار مەن اۋدان اكىمدەرى الدا تۇرعان مىندەتتەردى ويداعى­داي ورىنداۋ ءۇشىن زور جاۋاپ­كەر­شىلىكتى ۇدايى سەزىنىپ جۇرگەنىن قالايمىز. اكىمگەرەي سەرعالين, مەملەكەتتىك قىزمەت ىستەرى اگەنتتىگىنىڭ باتىس قازاقستان وبلىسى بويىنشا دەپارتامەنت باسشىسى – تارتىپتىك كەڭەس توراعاسى.