مازمۇندى جۇزدەسۋ

الدىڭعى كۇنى «قازاقستان» ورتالىق كونتسەرت زالىندا ەلباسى جولداۋىن حالىققا ءتۇسىندىرۋ جانە ناسيحاتتاۋ  جونىندەگى رەسپۋبليكالىق اقپاراتتىق-ناسيحاتتىق توپ مۇشەلەرىنىڭ قالا جۇرتشىلىعىمەن كەزدەسۋى بولىپ ءوتتى. استانا قالالىق اكىمدىگىنىڭ ۇيىمداستىرۋىمەن وتكەن بۇل بۇقارالىق شاراعا ەلوردا تۇر­­­عىن­دارى كوپتەپ جينالدى. ەلبا­سى نۇرسۇلتان نازارباەۆتىڭ «قا­زاقستان جولى – 2050: ءبىر ماق­سات, ءبىر مۇددە, ءبىر بولاشاق» اتتى جولداۋىنان تۋىن­دايتىن مىندەتتەر مەن باع­­­دارلامالار وسى كەزدەسۋ با­­رى­سىن­دا جان-جاقتى تىلگە تيەك ەتىلدى. جينالعان جۇرت ال­دىن­­­دا رەسپۋبليكالىق اقپا­­­رات­­تىق-ناسيحاتتىق توپ جەتەك­شىسى, قار­جى ءمينيسترى باقىت سۇل­تا­نوۆ, توپ مۇشەلەرى, ءوڭىر­لىك دامۋ مينيسترلىگىنىڭ قۇرى­لىس جانە تۇرعىن-ءۇي كوممۋ­نال­دىق شارۋاشىلىعى ىستەرى جونىندەگى كوميتەتىنىڭ توراعاسى ۆلاديسلاۆ گاليەۆ, دەنساۋلىق ساقتاۋ مينيسترلىگى اكىمشىلىك دەپارتامەنتىنىڭ ديرەكتورى ءادىل جۇماعاليەۆ مەملەكەت باس­­شىسىنىڭ حالىققا ارناعان بيىلعى جولداۋى تۋرالى كە­شەن­دى اڭگىمە قوزعاپ, ەلىمىزدىڭ ەكونوميكاسى مەن الەۋمەتتىك دامۋىنىڭ ناقتى ماسەلەلەرىنە توقتالدى. اسەرلى كەزدەسۋدەن كەيىن رەس­پۋبليكالىق اقپاراتتىق-ناسي­حاتتىق توپ مۇشەلەرى ءوتىنىش بىلدىرگەن ازاماتتاردىڭ جەكە قابىلداۋىن ۇيىمداستىرىپ, ولاردىڭ وتىنىشتەرى مەن سۇرا­ق­تارىنا جاۋاپ بەردى. «ەگەمەن-اقپارات».