ساپالى سۋ – سالاماتتى ءومىر كەپى ءلى

ەلباسى بيىلعى جولداۋىندا «قاراپايىم ادامداردىڭ الەۋمەتتىك جاي-كۇيلەرى ءبىزدىڭ باستى ماقساتقا قاراي قوزعالۋىمىزدىڭ ەڭ ماڭىزدى ينديكاتورى بولۋى ءتيىس», دەدى. «تەمىرجولسۋ» اق-تىڭ نەگىزگى ماق­ساتى – ستانسالارداعى تەمىرجولشىلار مەن جەرگىلىكتى تۇرعىنداردى ساپالى سۋ­مەن جانە جىلۋمەن قامتۋدى كوزدەيدى. ەلىمىز­دە 800-ءدىڭ ۇستىندە ستانسا بار. ونىڭ 250-ءنىڭ سۋ جەلىلەرى 2000-شى جىلدان بەرى جەرگىلىكتى اتقارۋ ورگاندارىنىڭ قاراۋىنا بەرىلگەن. جامبىل, باتىس جانە وڭتۇستىك قازاقستان وبلىستارىنىڭ بيلىگى بۇل ماسەلەگە دەر كەزىندە كوڭىل ءبولىپ, سۋ جۇيەلەرىنە جاقسى كوزقاراس قالىپتاستىردى. ال اقتوبە, شىعىس قازاقستان بيلىگىنىڭ قۇزىرىنداعى ستان­سا­لاردىڭ سۋ جەلىلەرى قيىن جاعدايدا تۇر. ءالى كۇنگە دەيىن اقتوبەنىڭ 51 ستانساسىنىڭ 70, شىعىس قازاقستاننىڭ 25 ستانساسىنىڭ 80 پايىزى تازا سۋمەن قامتىلماعان. سەبەبى, بۇل ستانسالاردىڭ سۋمەن قامتۋ جۇيەلەرى جەرگىلىكتى بيلىكتىڭ بالانسىندا. بۇل نىسانداردى «ءمولدىر بۇلاق» باعدارلاماسىنا قوسۋدىڭ مۇمكىندىگى جوق. جول بويىندا ەڭبەك ەتەتىن 160 مىڭ­­نان استام تەمىرجولشىلار مەن ستانسا تۇرعىندارىنىڭ تازا سۋعا سۇرا­نىسىن قاناعاتتاندىرۋدى ويلاستىرعان «قتج» ۇك» اق-تىڭ پرەزيدەنتى ا.مامين 5 جىلعا ارنالعان «ءمولدىر بۇ­لاق» باعدارلاماسىن جۇزەگە اسىرۋدى تاپسىردى. سۋ تاپشى­لىعىن تارتىپ جۇرگەن ادامداردىڭ تۇرمىسىن جاقسار­تۋ ءۇشىن 10 ملرد. 305 ملن. تەڭگەنىڭ ينۆەستيتسيالىق باعدارلاماسىن قابىل­دادى. العاشقى 2012-2013 جىلدارى 2 ملرد. 745 ملن. تەڭگەنىڭ جۇمىسى ات­قارىلدى. ەكى جىلدا شارۋاشىلىق ەسەپ ءادىسى بويىنشا 238 تەمىرجول ستانساسىنداعى 314 سۋمەن قامتۋ نىسا­نى مەن كارىزدىك جۇيە كۇردەلى جوندەۋدەن ءوتىپ, قايتا جاڭعىرتىلدى. وسى جۇمىستاردى اتقارۋدان ۇنەمدەلگەن قارجىعا ستراتەگيالىق نىسانداردىڭ كۇزەت جۇيەسىن قۇرىپ, بەلگى بەرۋ قۇرىل­عىلارى مەن بەينەباقىلاۋ اپپاراتتارى ورناتىلدى. بيىل سۋ جۇيەلەرى مەن كارىزدەردىڭ سانيتارلىق-ەپيدەميولوگيالىق جاع­دايىن جاقسارتۋ جۇمىسى جالعاسادى. بۇعان جالپى كولەمى 1412,2 ملن. تەڭگە جۇمساۋ كوزدەلىپ وتىر. سونداي-اق, بەل­گىلەنگەن باعدارلاما بويىنشا حالقى تىعىز ورنالاسقان وڭتۇستىك جانە با­تىس قازاقستان وبلىستارىنداعى جوبا­لاردى تولىق اياقتاۋ جوسپارلانعان. ماڭ­عىستاۋداعى شالعاي ستانسالارعا سۋ جەتكىزۋ ءۇشىن شىنىلى پلاستيكالىق تسيستەرنالار جاساۋ مەن ورنالاستىرۋ جۇمىستارى جۇرگىزىلمەك. ەندەشە, بىرنەشە جىلدان بەرى جۇزەگە اسىپ كەلە جاتقان مەديتسينالىق قىزمەت كورسەتەتىن «دەنساۋلىق», «سالاماتتى قازاقستان», «جاردەم» پويىزدارىنىڭ دارىگەرلەرى اتقارعان, جەرگىلىكتى حالىقتى ساۋىقتىرۋ ماق­ساتتارىنىڭ تابىستى ورىندالۋى ءۇشىن ساپالى سۋدىڭ قاجەتتىگى دە ايدان انىق. وسىلاي حالىق دەنساۋلىعىن جاقسارتۋعا, سالاماتتى ءومىر سالتىن قالىپتاستىرۋعا شىن كوڭىل بولەيىك. قازىرگىدەي الماعايىپ زاماندا, ماڭگىلىك ەل بولۋ ماقساتىن ۇستانعان ۇلتتىڭ دەنساۋلىعى مىقتى بولۋعا ءتيىس. قۋات ەسىمحا, «تەمىرجولسۋ» اق پرەزيدەنتى.