ەلىمىزدە بارلىق كونفەسسيالار تەڭ قۇقىلى

سىرتقى ىستەر مينيسترلىگىندە قازاقستاندا تىركەلگەن ديپ­لوماتيالىق كورپۋس پەن حالىقارالىق ۇيىمدارعا ارنالعان قازاقستانداعى ءدىني نانىم-سەنىم بوستاندىعى تاقىرىبى بويىنشا بريفينگ بولىپ ءوتتى. بريفينگ شەڭبەرىندە سىرتقى ىستەر ءمينيسترى ەرلان ىدىرىسوۆ ءدىن ىستەرى جونىندەگى اگەنتتىك توراعاسى مارات ازىلحانوۆپەن بىرلەسىپ, قازاقستانداعى ءدىني احۋال, ونىڭ ەلىمىز قابىلداعان ادام قۇقى مەن دەموكراتيا سالاسىنداعى حالىقارالىق مىندەتتەمەلەرگە سايكەستىگى تۋرالى اڭگىمەلەپ بەردى. بريفينگكە قازاقستاننىڭ ءدىني نانىم-سەنىم بوستاندىعى ماسەلەلەرىنە ماماندانعان ازا­مات­تىق قوعام وكىلدەرى مەن قازاق­ستانداعى ءدىني كوشباسشىلار قاتىستى. ە.ىدىرىسوۆ قازاقستاندا ءتۇرلى ءدىني نانىم-سەنىمدەگى 120-دان استام ۇلتتار مەن ۇلىستاردىڭ وكىلدەرى بەيبىتشىلىك پەن كەلىسىمدە ءومىر ءسۇرىپ جاتقانىن اتاپ ءوتتى. ءدىني نانىم-سەنىم بوستاندىعىنا ەلىمىزدىڭ كونستيتۋتسياسىمەن جانە باسقا دا زاڭنامالىق اكتى­لە­رىمەن كەپىلدىك بەرىلگەن. ءومىر شىندىعى قازاقستاننىڭ ءدىن تۋرالى جاڭا زاڭى ەلىمىزدىڭ حالىقارالىق مىندەتتەمەلەرىنە تولىقتاي سايكەس كەلەدى جانە ءدىني ۇيىمداردىڭ قىزمەتى ءۇشىن سالاۋاتتى ورتا قالىپتاستىرىپ وتىر. ال قازاقستانداعى ءدىني ۇيىمدار سانى بۇگىندە 3400 بىرلىكتەن اسادى, دەدى ە.ىدىرىسوۆ. سونداي-اق, ول ەلىمىزدىڭ كىم-كىم ءۇشىن دە اشىق ەكەنىن, قازاقستاندا بارلىق كونفەسسيا وكىلدەرىنىڭ قۇقى تەڭ ەكەنىن جانە ولار وزدەرىنىڭ نانىم-سەنىمدەرىن دامىتۋ ءۇشىن تەڭدەي مۇمكىندىككە يە ەكەنىن اتاپ ءوتتى. ەلىمىزدە قانداي دا ءبىر دىنگە قاتىستى قىسىم كورسەتۋشىلىك بار دەگەن سىني مالىمدەمەلەردىڭ ەشقانداي نەگىزى جوق. بىزگە جەكەلەگەن كونفەسسيا­لار وكىلدەرىنىڭ قاتىسۋىمەن ازداعان تۇسىنىسپەۋشىلىك وقيعالارى سوتقا دەيىن جەتكەنى تۋرالى اقپاراتتار ءمالىم. سىزدەردى مۇنداي وقيعالار ەلىمىز زاڭنامالارىن بۇزۋمەن بايلانىستى ەكەنىنە سەندىرە الامىن. كوپ جاعدايدا بۇلار تىركەۋ نورمالارىن ساقتاماۋمەن بايلانىستى ماسەلەلەر بولىپ تابىلادى. ءبىز ءتۇرلى كونفەسسيالار وكىلدەرىنىڭ كوزقاراستارى مەن نانىم-سەنىم­دەرىنە قۇرمەتپەن قارايمىز, بىراق  قازاقستان زاڭدارىن قۇرمەتتەۋ جانە ساقتاۋ كەرەك دەگەن دە تالاپ قويامىز, دەپ اتاپ كورسەتتى سىرتقى ىستەر ءمينيسترى. م.ءازىلحانوۆ قازاقستانداعى ءدىني نانىم-سەنىم بوستاندىعىنىڭ جاعدايى تۋرالى بايانداماسىن ۇسىندى. باياندامانىڭ باس­تى ماقساتى قازاقستاننىڭ ءدىني بوس­تاندىق ماسەلەسىن تالقىلاۋ بويىنشا اشىقتىعىن ايعاقتاۋ بولدى. ونىڭ سوزىندە قازاقستانداعى ءدىني نانىم-سەنىم بوستاندىعى سالا­سىنداعى زاڭنامالار حالىقارالىق ستاندارتتارعا تولىق سايكەس كەلە­­تىندىگى ناقتى مىسالدارمەن دايەك­تەلدى. ءدىن ىستەرى اگەنتتىگىنىڭ ءتور­اعاسى قازاقستاندا قابىلدانعان ءدىن­ تۋرالى جاڭا زاڭ ءدىندى دە­سترۋكتيۆتى جانە ەكسترەميستىك ماقساتتاردا پايدالانىپ جۇرگەن كەيبىر ەلەمەنتتەردىڭ قىزمەتىنە توسقاۋىل قويۋعا نەگىزدەلگەندىگىمەن ءتۇسىندىردى. بارلىق ءدىني بىرلەستىكتەر زاڭ الدىندا تەڭ, ەلىمىزدە ءدىني فورۋمدار ەركىن وتكىزىلىپ ءجۇر. ميسسيونەرلىك ۇيىمداردىڭ سانى وسە تۇسۋدە. بىردە-ءبىر ميسسيونەر قايتا تىركەۋ ۇدەرىسىندە «جوق» دەگەن جاۋاپ العان جوق, دەدى م.ءازىلحانوۆ. مينيستر مەن توراعا سوزدەرىنە وراي قازاقستاننىڭ باس ءراۆۆينى ەشايا كوگەن, قاسكەلەڭ ەپيسكوپى گەننادي جانە ۆاتيكان ەلشىسى ميگەل بۋەنديا ءوز پىكىرلەرىن ءبىلدىردى. ولار قازاقستان باسشى­لىعىنىڭ وسى باعىتتاعى ساياساتىن قولدايتىندىقتارىن مالىمدەدى. ويتكەنى, دەيدى ولار, مۇنىڭ بارلىعى قازاقستان قوعامىنىڭ قاۋىپسىزدىگىن قامتاماسىز ەتۋگە باعىتتالىپ وتىرعان شارالار. ءدىن وكىلدەرى, سونداي-اق, كونفەسسيالاردىڭ ءوز قىزمەتتەرىن جۇزەگە اسىرۋ ءۇشىن تەڭدەي جانە وڭتايلى جاعدايلار جاساۋعا مۇمكىندىك بەرىپ وتىرعان ءدىن تۋرالى جاڭا زاڭنىڭ دەر كەزىندە قابىلدانعانىن اتاپ ءوتتى. شارا سوڭىندا قاتىسۋشىلارعا جوعارىدا اتالعان بايانداما مەن قازاقستاندا جۇرگىزىلىپ وتىرعان ءدىن بوستاندىعىنا كەپىلدىك بەرەتىن اقپاراتتىق ماتەريالدار تاراتىپ بەرىلدى. «ەگەمەن-اقپارات».