بيىل ەلىمىزدە جاڭا عارىش اپپاراتى كوككە سامعايدى

بيىل ءساۋىر ايىنىڭ سوڭىنا قاراي جەردى الدىن الا قاشىقتىقتان تەكسەرەتىن ەلىمىزدىڭ العاشقى جەر سەرىگى ۇشىرىلادى. بۇل تۋرالى «قازاقستان» تەلەارناسى حابارلادى. وسى جىلى بايقوڭىر عارىش ايلاعىنان «قازسات-3» بايلانىس سپۋتنيگىن ۇشىرۋ كوزدەلگەن. ءۇشىنشى تەلەكوممۋنيكاتسيالىق «قازسات» سەرياسىنىڭ عارىش اپپاراتى  «پروتون-م» زىمىران تاسىعىشى ارقىلى رەسەيلىك «لۋچ5ۆ»  جەر سەرىگىنىڭ توبىمەن  ۇشىرىلاتىن بولدى.سونداي-اق, العاشقى جارتىجىلدىقتا «قازعارىش» جەردى الدىن الا قاشىقتىقتان تەكسەرەتىن سپۋتنيكتى ۇشىرۋدى جوسپارلادى. بۇل اپپارات «EADS Astrium» كونتسەرنىمەن جاسالعان. ول «ياسنىي» عارىش ايلاعىنان  «دنەپر» زىمىران تاسىعىشىمەن ۇشىرىلادى. قازىرگى كەزدە جوعارى دالدىگى بار سپۋتنيكتىك ناۆيگاتسيانىڭ ۇلتتىق جۇيەسى ىسكە قوسىلدى. سونىڭ نەگىزىندە بىرقاتار جوبالاردى قولدانىسقا ەنگىزۋدىڭ ءساتى ءتۇستى . مۇنان وزگە, جەردى الدىن الا قاشىقتىقتان تەكسەرەتىن جانە عىلىمي-تەحنيكالىق باعىتتاعى سپۋتنيكتەردى قۇرۋ بويىنشا ءىرى جوبالار جۇزەگە اسۋدا. ءامىرحان الماعانبەتوۆ. دەرەككوز: «قازاقستان» تەلەارناسى. فوتو: Namonitore.ru.