مىسىردا جاڭا پيراميدا تابىلدى

مىسىر استاناسى كاير تۇبىندەگى داحشۋردا قازبا جۇمىستارىن جۇرگىزىپ جاتقان ارحەولوگتار توبى فەلدمارشال اس-ءسيسيدىڭ ارعى ءتۇپ باباسى بولىپ تابىلاتىن پەرعاۋىننىڭ قۇرمەتىنە سالىنعان ەجەلگى پيراميدانى تاپتى. بۇل تۋرالى Ras.kz حابارلادى. مىسىردىڭ ەجەلگى ەسكەرتكىشتەر جونىندەگى بەلگىلى مامانى زاكي حاۆاس پيراميدانىڭ V اۋلەت پەرعاۋىنىنا تيەسىلى ەكەنىن مالىمدەدى. «قازبا جۇمىستارى كەزىندە تابىلعان ارحيتەكتۋرالىق ەسكەرتكىش مىسىردى بيلەۋشىلەردىڭ V اۋلەتىنە جاتاتىن دجەدكار يسەسيدىكى بولىپ تابىلادى. ونىڭ مىسىردىڭ قازىرگى قورعانىس ءمينيسترى فەلدمارشال ابدەل فاتتاح اس-سيسيگە تىكەلەي قاتىسى بار, – دەپ ءتۇسىندىردى ول. – ءبىز ءوز داۋىرىمىزگە دەيىنگى XXV-XXIV عاسىرلاردا ءومىر سۇرگەن پەرعاۋىننىڭ اس-ءسيسيدىڭ باباسى بولىپ كەلۋى ابدەن مۇمكىن دەپ ەسەپتەيمىز». ال دجەدكار يسەسي ەسىمىن «رانىڭ ولمەس جانى» رەتىندە اۋدارۋعا بولادى ەكەن. بۇل – اتالمىش پەرعاۋىنعا ارنالعان كاير تۇبىندەگى ەكىنشى وسىنداي ەسكەرتكىش. ساككارا نەكروپولىندە سىرتقى مۇناراسى وسىعان ۇقساس, «قاراۋىل پيراميدا» دەگەن اتاۋمەن بەيىت تە تابىلدى. دجەدكار يسەسي ەلدى 44 جىل بيلەپتى. ايدار ورىسباەۆ. دەرەككوز: Ras.kz. فوتو: EPA/AMEL PAIN.